Méi wéi Sex

#189: Bröööööscht – (K)ee Kierperdeel wéi all aneren?

Méi wéi Sex — Fri, 03 Apr 2026 13:00:00 +0000

Huet d’Thema vun dëser Woch bei dir en “hehe😏” oder eng änlech Reaktioun ausgeléist? Da bass du net eleng. Fir di meescht si Brëscht keen neutrale Kierperdeel an tatsächlech ginn se och gesellschaftlech net esou ugesinn. Firwat? Brëscht kënne leider eng éischter ongemittlech Affär sinn. Nieft Réckwéi suergen och erdréckend Schéinheetsidealer, ongewollte Sexualiséierung oder Geschlechternorme fir onschéi Gefiller. Wisou däerft Robin als Kand zum Beispill op emol net méi ouni T-shirt dobausse spillen? A wouhier koum dem Ella seng Iddi am 6. Schouljoer dass seng Broscht sech ab elo net méi fräi beweegen däerf? Dës a nach vill weider Froen diskutéiere Robin an Ella an dëser Episode.

An der Rubrik erkläert Elie wéi gutt Bezéiungen eis op laang Dauer frou a gesond halen.

#188: Sinn ech ee Feld oder wat? – (On)Fruchtbarkeet

Méi wéi Sex — Fri, 20 Mar 2026 14:10:28 +0000

Einfach Kanner kënnen ze kréien – oder eben och net – ass fir vill Leit ee wichtegt Thema. Mä „Sinn ech fruchtbar?“ ass keng Fro, déi sech einfach beäntwerte léisst, well vill Faktore mat era spillen. Am Podcast schwätzen d*e Robin an den Elie iwwert hir Erfarungen a Gedanken zum Thema. Zum Beispill doriwwer, datt Onfruchtbarkeet als „Schold“ vun der Fra ugesi gëtt,, obwuel sech dat an de Statistiken net néierschléit. Wien wéi fruchtbar ass, huet awer och gesellschaftlech a sozioekonomesch Grënn. Een Thema, dat enk domadder verbonnen ass, si medezinesch Methoden, déi een*t an Usproch kann huelen, wann et op natierlechem Wee net klappt – an dem Kader gi mir dann och doriwwer opgekläert, wéi sënnvoll et ass, an den Tifküler ze jitzen. An der Rubrik erkläert d'Ella, wat den LEQGF ass a wat fir eng Etüd deen iwwert queer Mënschen zu Lëtzebuerg gemaach huet.

#187: I like the ring of it – Verhütung mamm Nuva Réng

Méi wéi Sex — Fri, 06 Mar 2026 14:00:00 +0000

D'Ella huet zu quasi all Dages- a Nuetszäit e Rank un, wéi dann dat? D'Ella gebraucht de Nuvaréng fir ze verhüten! Vaginalrénger sinn en hormonellt Verhütungsmëttel an der Form vun engem Réng deen an d Vagina agefouert gëtt an dann do verbleift. Obwuel de Nuvaréng, als eischten Vaginalréng um Marché, säit 25 Joer zougelooss ass, si Vaginalrénger manner bekannt wéi aner Verhütungsmëttelen. An dëser Episod erzielt d'Ella vu sengen Erfarungen mamm Nuvaréng, firwat hatt sech fir dat Verhütungsmëttel entscheed huet a wat him heinsdo op de Nerv geet.

Dës Episod ass dann och Deel vun eiser Serie iwwer Erfarungsberichter mat verschiddene Verhütungsmëttelen. Wann s du deng Erfarungen mat eis op der Antenn deele wëlls, da schréif eis op sex@ara.lu oder kontaktéier eis iwwer social media. :)

An der Rubrik schwätzt den Elie iwwer Hormoner a Psychedelica.

Shownotes: Addendum zum Thema "Nuvaréng wärend dem Sex raushuelen": D'Ella sot an der Episod, dass een*t de Nuvaréng während dem Sex fir 3 Stonnen ka raushuelen, an dass all Keiers 24h tëscht dem Raushuele leie sollten. Et sollt een*t dat allerdéngs net all Dag maachen, oder et zur Sëcherheet mat sengem Doktor ofklären. Fachinformation Nuvaring Bundesamt für Sicherheit im Gesundheitswesen (DE) mengverhuetung.lu: Vaginalring

#186: Ënnert engem Dach – Zesumme wunnen

Méi wéi Sex — Fri, 20 Feb 2026 14:00:00 +0000

Zesumme mat anere Persoune wunnen ass fir vill vun eis kee Choix, mä eng Noutwendegkeet. Vill Leit wunne ganz selbstverständlech mat hirer Partner*innenpersoun zesummen. Dat ka schéi sinn, mä bréngt awer vläicht och seng ganz eege Problemer mat sech. Den Elie an d*e Robin erzielen an dëser Episod vun hiren Erfarunge mat funktionalem Wunnen, onsexy Dreckskëschten a méi oder manner fräiwëllegem Zesummenplënneren. Si schwätzen natierlech awer och iwwert déi grouss Fro: Schléift een*t zesummen an engem Bett oder dach léiwer getrennt?

An der Rubrik erkläert d'Ella alles, wat dir iwwert Diskussioun ëm genderneutral Toilettë wësse musst.

#185: Méi wéi bits and bytes — digital Kommunikatioun

Méi wéi Sex — Fri, 06 Feb 2026 14:00:00 +0000

Mir benotzen se all Dag, dee ganzen Dag, méi oder manner bewosst andauernd: digital Kommunikatioun. Mir telefonéieren, videocallen, chatten, a memen mat anere Leit als e wichtegen Deel vun eise Konnektiounen. Mee wat mëcht et amfong mat eis, fir andauernd a Kontakt mat aneren an der ganzer Welt ze stinn, a fir ouni Paus online erreechbar ze sinn? Robin a Lynn diskutéieren an dëser Episod hir Erfarungen mat digitaler Kommunikatioun a wéi déi sech op hir Relatiounen zu aneren a sech selwer auswierkt.

An der Rubrik schwätzt den Elie iwwer dee grouss diskutéierte Lien tëscht Testosteron an Aggressivitéit.

#184: Zweifelhafte Consent an zwiliichteg Charakteren — Dark Romance (Spicy Books #2)

Méi wéi Sex — Fri, 23 Jan 2026 14:00:00 +0000

Dark Romance ass e Genre, deen Diskussiounen ausléist. Mee wat versteet een eigentlech ënner dub-con? Firwat liesen sou vill Mënschen trotz – oder vläicht grad wéinst – de kontroversen Themen Dark Romance? A wéi hunn dem Joël a Kelly hier däischter Lektüre gefall? Dat héiers du an dëser Episode. An der Rubrik schwätzt d'Ella iwwer Heterofatalismus! Inhalt vun der Episode: Minutt 0-12: Intro, Definitioun & Tropes Dark Romance Minutt 12-34: Bicher déi mir gelies hunn, hir Sexszeenen & wat mir denken Minutt 34-42: Grënn fir Dark Romance ze liesen Minutt 44-45:30: Ëmgang mat potenziell negativen Auswierkunge vum Dark Romance Trend Minutt 45:30-51:45: Ass Dark Romance eise Genre - an törnt eis dat un? Minutt 51:45-54: Wei geet et mat de Smutty Book Podcast-Episode weider? ab Minutt 54: Rubrik zu Heterofatalismus

Bicher, déi mer erwähnen: - “The Serpent and the Nings of Night” (Crowns of Nyaxia #1) vum Carissa Broadbent - “Six Scorched Roses” (Crowns of Nyaxia #1,5) vum Carissa Broadbent - “The Ashes and the Star-Cursed King” (Crowns of Nyaxia #2) vum Carissa Broadbent - “Kiss of Seduction” (Court of Chains #1) vum Rawnie Sabor - “A Little Sin” (Court of Chains #2) vum Rawnie Sabor - "Haunting Adeline" vum H.D. Carlton - "Very Bad Kings" Serie vum Jane S. Wonda - „Lights out“ vum Navessa Allen - “The Princess’s Pet” (Soul Match Series #1) vum J.K. Jeffrey

Quellen: - Döring, Nicola. (2025). Groschenromane mit Porno-Inhalten? Warum Dark Romance fasziniert und polarisiert. In: Mediendiskurs, 1(2025), S. 64–72, online: https://mediendiskurs.online/beitrag/groschenromane-mit-porno-inhalten-beitrag-1193 - Döring, Nicola. (2025). Dark-Romance-Bücher zwischen Leselust und Moralpanik: Eine Orientierungshilfe für die pädagogische Praxis. In: merz | medien + erziehung, 69(3), online: https://doi.org/10.21240/merz/2025.03.29 - Interview mit Prof. Dr. Nicola Döring. (2025). Dark Romance: Schulen müssen Medien- und Sexualkompetenz fördern: https://www.campus-schulmanagement.de/magazin/dark-romance-schulen-muessen-medien-und-sexualkompetenz-foerdern-nicola-doering - Weis, Diana. (2025). Smut: Zur Popularität von New Adult- und Dark Romance-Literatur. In: POP – Kultur und Kritik, 26, S. 116–122, online: https://doi.org/10.14361/pop-2025-140118. - Artikel iwwer Twilight gender-swap: Brown, Heather. (2018). Fictional power and control and the reality of abusive behaviour. In: Journal of Gender Studies, 27:4, S. 401-410, DOI: 10.1080/09589236.2016.1223611.

„Wenn Jugendliche Dark Romance als erste Quelle für Beziehungsgestaltung und Sexualität nutzen und daraus problematische Vorstellungen ableiten, verweist dies auf Defizite in der elterlichen und schulischen sexuellen Bildung.“ — Prof. Dr. Nicola Döring

Myth of Consensual Sex Meme: https://knowyourmeme.com/memes/the-myth-of-consensual-sex

#183: Jo, ech wëll – Gaascht op enger Hochzäit sinn

Méi wéi Sex — Fri, 09 Jan 2026 14:00:00 +0000

Iergendwann kënnt den Alter, wou een*t ëmmer méi dacks op Hochzäiten danzt – ob als „plus one“ oder mat eegener Aluedung. Dat ass vir vill vun eis mat gemëschte Gefiller verbonnen: Wat soll ech undoen, wéi wäert d‘Iesse sinn a wat soll ech da mat all deene Leit, déi ech vläicht guer net kennen, schwätzen? Zum Gléck hunn d‘Ella an de Joël an deene leschte Joren déi eng oder aner Hochzäit matgemaach an deelen elo hir Erfarunge mat iech. Si erziele vu last-minute-Outfits, vu Kommunikatiounsschwieregkeeten a vun der Angscht, ob ze ville Fotoen ze sinn.

An der Rubrik erkläert Kelly, wat den Dual-Control System ass.

#182: Abortion Care is Healthcare – An aner Grënn dëst Recht ze schützen

Méi wéi Sex — Fri, 26 Dec 2025 14:00:00 +0000

D’Recht op sécher an einfach zougänglesch Schwangerschaftsofbrech ass essenziell fir eng gläichberechtegt Gesellschaft wou jiddereen*t iwwert den eege Kierper entscheede kann. Déi Lëtzebuerger Gesetzeslag am dem Beräich gëllt als relativ liberal. Bis zur 12. Schwangerschaftswoch (oder och bis zur 14. Woch seit d’Regelbluddung ausgefall ass) kënne schwanger Leit aus egal wéiengem Grond eng Ofdreiwung duechféiere lossen. Allerdéngs hu mir um Beispill vun den USA gesinn, wéi séier sech dat ännere kann. Aus dësem politesche Klima eraus huet déi lëtzebuerger Partei, déi Lénk, de Prozess an d’Weër geleet fir d’Recht op Schwangerschaftsofbroch ofzesécheren, an an der Verfaassung zu verankeren. Dozou haten zu Lëtzebuerg vill Leit vill verschidde Meenungen. An dëser Episode tauschen Ella an d*e Robin sech aus iwwer den Diskurs de Lëtzebuerg säit leschtem Joer bewegt.

An der Rubrik erklärt d*e Robin wat eng Window of Tolerance ass. Quellen: Un droit à l’avortement dans la Constitution ? Les travaux parlementaires avancent - Chambre des Députés du Grand-Duché de Luxembourg Abtreibung in der Verfassung: Die Abgeordneten entscheiden sich für den Begriff „Freiheit“ - Luxemburger Wort Debatte um Abtreibung: Gérard Schockmel zieht Kritik auf sich - Reporter.lu La liberté de recourir à l'avortement sera inscrite dans la Constitution - Chambre des Députés du Grand-Duché de Luxembourg Geschichte - fraendag.lu Brochure d'Information: Interruption Volontaire de Grossesse (IVG) - sante.lu ABTREIBUNG: Von lebenslänglich zur Fristenregelung - woxx.lu Schwangerschaftabbruch in Luxemburg - CID Fraen an Gender Die Gesetzgebung in Luxemburg - CID Fraen an Gender Why Luxemburg wants to write the freedom to have an abortion into the constitution - Lëtzebuerger Journal

Erwäänten Erfahrungsbericht aus dem Lëtzebuerger Journal: Wat mengs du? Iwwert d'Pësperen a volle Räim, een Temoignage - Lëtzebuerger Journal

#181: Ausfloss, Anatomie an alles dotëschent – Meng Vulva an ech

Méi wéi Sex — Fri, 12 Dec 2025 14:00:00 +0000

Stell dir vir, du hues Ausfloss, an du mengs, du miss stierwen: Doduerch, datt et vill Schummt an Tabue ronderëm d'Vulva gëtt, geschitt dat net wéinege Leit. Den Terme Vulva ass mëttlerweil deene meeschte Leit bekannt, mä iwwert d'Organ selwer ginn et nach ëmmer vill Mëssverständnisser. An dëser Episode schwätzen d'Ella an d*e Robin iwwert hir Bezéiung zu hirer Vulva. Si erziele vun der éischter Kéier, wou si hier Vulva am Spigel gesinn hunn, iwwert komesche Bezeechnungen an der Kandheet an iwwert Menstruatioun. Natierlech geet et awer och dorëms, wéi Masturbatioun a Sex sech op hir Bezéiung zu hirer Vulva ausgewierkt hunn. Opgepasst: An dëser Episod gëtt iwwer Erfarunge mat sexueller Gewalt an Trauma geschwat. Wann dës Themen dech belaaschten, iwwerlee dir, ob s du déi Episod vläicht mat enger Persoun zesumme lauschtere wëlls, dir eng Zesummefaassung gi wëlls loossen oder se einfach ganz skipps.

An der Rubrik schwätzt d'Ella iwwert de nationalen Aktiounsplang (PAN) „LGBTIQ+“.

#180: Léift geet duerch de Mo? – Iessgewunnechten

Méi wéi Sex — Fri, 28 Nov 2025 14:00:00 +0000

Liebe geht durch den Magen! Sou seet een*t zumindest ëmmer, a fir vill Mënschen ass Iessen en essentiellen Deel vun hirem Liewen an hirer Identitéit. Mee wéi äußern sech eis Iessgewunnechten a laange Bezéiungen, a wéi beaflossen déi Bezéiungen eis Gewunnechten? A kënnen Veganer*innen a Fleeschiesser*innen amfong eppes mateneen hunn? De Joël, den Elie a Robin diskutéieren dës an aner Froen an dëser Episod.

An der Rubrik schwätzt den Elie iwwer AuDHD.

#179: Hype, Tropes an (keen) Draachesex — Romantasy (Spicy Books #1)

Méi wéi Sex — Fri, 14 Nov 2025 14:00:00 +0000

Wat stëscht hannert dem aktuell esou populäre Buchgenre Romantasy? De Joël a Kelly schwätzen doriwwer wéi de Genre entstanen ass, wat e präägt a wat hier Erfarungen domat sinn. Si hunn nämlech de Selbsttest gemaach a „Fourth Wing“ gelies. Wéi hunn si d'Buch an seng Duerstellung vu romanteschen Bezéiungen an Sex fonnt? Lauschter eran a fann et eraus!

Spoiler Altert: „Fourth Wing“ (an ganz ebëssen „Iron Flame“) vum Rebecca Yarros.

#178: Bauchgefill vs Trauma? – Intuitioun

Méi wéi Sex — Fri, 31 Oct 2025 14:00:00 +0000

Eis Intuitioun ass den Detektiv vun eisem Kierper, a soll eis amfong sëcher halen andeems se eis eng éischt Aschätzung vu neie Situatiounen a Mënsche gëtt. Mee wéi wësse mäer amfong, wéi mäer eiser Intuitioun vertraue kënnen, grad wann mäer an eisem Liewen traumatesch Erfarunge gemaach hunn? Wéi wierken déi sech op eis Intuitioun aus? A kann een Trauma, posttraumatesch Belaaschtungen an Intuitioun wierklech auseneen halen? Den Elie, d'Ella an d*e Robin ginn an dëser Episod denen (a méi) Froë no an diskutéieren hir Erfarungen.

An der Rubrik fänkt Kelly eng nei Serie iwwer dem Emily Nagoski säi rezent Buch "Come Together" un a schwätzt iwwer den Intro an dat éischt Kapitel.

#177: Kënschtlech Gefiller a Biller – AI Chatbots an Deepfakes

Méi wéi Sex — Fri, 17 Oct 2025 13:00:00 +0000

Doduerch, datt Chatbots wéi „ChatGPT“ an anerer esou populär sinn, benotzen och ëmmer méi Mënschen se als Ersatz-Bezéiung. Verschiddener verléiwen sech esouguer an eng kënschtlech Intelligenz. Ausserdem ass et och méi einfach ginn, Biller ze generéieren, déi ausgesi wéi echt Leit, mä net vun hinne sinn, sougenannt Deepfakes. An dëser Episod schwätzen d'Ella an de Joël doriwwer, wéi si déi Trends bewäerten a wisou si net der Meenung sinn, datt et eng gutt Iddi ass, mat engem Chatbot ze flirten. Och d'Deepfakes an déi iwwergrëffeg Tendenzen, déi domadder verbonne sinn, huelen si auserneen. An der Rubrik erklärt d'Ella eis, wat eng bakteriell Vaginos ass.

#176: Okee sinn an enger Welt, déi brennt – Gefiller zum Backlash

Méi wéi Sex — Fri, 03 Oct 2025 13:00:00 +0000

Kricher, Klimakris a wuessende Rietsextremismus – et ass guer net esou flott op dëser Welt, zumols als queer Persoun. Wann een*t dann nach politesch aktiv ass, kann dat séier zu enger grousser Belaaschtung ginn, wann een*t d'Gefill huet, datt sech alles an déi ganz falsch Richtung entwéckelt. D'Ella an d*e Robin schwätzen an dëser Episod doriwwer, wat fir Gefiller si mat dem sougenannte Backlash verbannen a wat hir Strategië sinn, fir domadder ëmzegoen. Natierlech diskutéieren si och doriwwer, wat dat alles fir Auswierkungen op hiert Sexliewen huet. An der Rubrik schwätzt den Elie iwwert d'Spoon-Theory.

#175: Omnomnom – Eating Out

Méi wéi Sex — Fri, 19 Sep 2025 13:00:00 +0000

De klengen Dessert, eng Minette oder einfach nëmmen d'Verb "lecken" – hannert deene Begrëffer verstoppt sech den Akt, dee scientifique och "Cunnilingus" gennant gëtt. Oralsex u Vulven an un Anusser gëtt am Engleschen och oft einfach "eating out" gennant: also eng Persoun "aus" iessen. Mee wat huet et amfong matt deene Sexualpraktiken u sech? Firwat hu mer amfomg dausend Begrëffer fir Oralsex um Penis mee net u Vulven an Anusser? Firwat fanne Leit et flott, fir aner Leit "z'iessen" oder "giess" ze ginn? A wéi kann een*t sech bei dene Sexualpraktiken uleeën? De Joël an d*e Robin ginn denen an anere Froen no a schwätzen iwwer hir Erfarungen mat Oralsex u Vulven an Anusser.

D'Ella schwätzt an der Aktualitéitsrubrik iwwer déi geplangten Reform fir d'Recht op Ofdréiwung an d'Verfassung ze setzen.

#174: Herzschmerz am Jugendzëmmer – Éischt Trennungen

Méi wéi Sex — Fri, 05 Sep 2025 13:00:00 +0000

E neie September, eng nei Méi Wéi Sex Staffel! A wat kéint besser sinn fir dës aacht Staffel ze feieren wéi iwwer eisem team hir éischt Trennungen ze schwätzen! Kelly, de Joël, den Elie, d*e Robin an d'Ella schwätzen vun hiren éischte Kéieren mamm Schluss maachen a Schluss gemaach ginn, a wat hinnen gehollef huet (oder och net) fir mat dene Situatioune besser ëm ze goen.

An der Rubrik stellt Kelly Iech als leschten Deel vum Summer Book Club d'Bicher "Come As You Are" an "Come Together" vum Emily Nagoski vir.

#173: Summer Book Club: Judith Butler – Who’s Afraid of Gender

Méi wéi Sex — Fri, 22 Aug 2025 13:00:00 +0000

Endlech Summer! An du sichs vläicht nach no engem Buch fir mat an d’Vakanz? Mir präsentéieren de ganze Summer iwwer an eisem Summer Book Club queer Bicher fir deng Vakanzenlecture! Dës Woch ass et um Ella, dat eis Who's Afraid of Gender vum Judith Butler virstellt. Et geet em sougenannten anti-gender Beweegungen, déi aktuell iwwerall op der Welt wuessen. Si attackéieren d'Rechter d’Fräiheeten, an d’Liewensweise vu Fraen, queeren an trans Mënschen an d*e Judith Butler erkläert eis wéi mir eis géint se wiere kënnen.

Infos zum Buch Judith Butler - Who's Afraid of Gender, publizéiert vum Allen Lane (Penguin) Verlag

#172: Summer Book Club: Ocean Vuong – On Earth We’re Briefly Gorgeous

Méi wéi Sex — Fri, 08 Aug 2025 13:00:00 +0000

Endlech Summer! An du sichs vläicht nach no engem Buch fir mat an d’Vakanz? Mir präsentéieren de ganze Summer iwwer an eisem Summer Book Club queer Bicher fir deng Vakanzenlecture! Dës Woch ass et um Elie, deen eis dem Ocean Vuong sain Roman On Earth We're Briefly Gorgeous virstellt. Et geet ëm dem Schrëftsteller seng eege Geschicht, an deelweis d’Familljegeschicht als Aart vu fiktiver Autobiografie. Et geet em Krichststrauma, Familljendrama, Identitéit, Schicksal, a Kultur.

Infos zum Buch

on-earth-were-briefly-gorgeous-by-ocean-vuong -publizéiert bei Penguin House

#171: Summer Book Club: Renske Diks – Queens of Beirut

Méi wéi Sex — Fri, 25 Jul 2025 13:00:00 +0000

Endlech Summer! An du sichs vläicht nach no engem Buch fir mat an d'Vakanz? Mir präsentéieren de ganze Summer iwwer an eisem Summer Book Club queer Bicher fir deng Vakanzenlecture! Dës Woch ass et um Robin, deen eis dem Renske Diks hir Etüd Queens of Beirut virstellt. Et geet ëm d'Liewen an d'Existenzen vun Drag Queens an der lebanesescher Stad Beirut a wéi si mat den Traumata vu Kricher, Krisen a Queerphobie ëmginn.

Infos zum Buch Renske Diks – Queens of Beirut, publizéiert bei Ezo Wolf

#170: Summer Book Club: Gretchen Felker-Martin – Manhunt

Méi wéi Sex — Fri, 11 Jul 2025 13:00:00 +0000

Endlech Summer! An du sichs vläicht nach no engem Buch fir mat an d'Vakanz? Mir präsentéieren de ganze Summer iwwer an eisem Summer Book Club queer Bicher fir deng Vakanzenlecture! Dës Woch ass et um Joël, deen eis dem Gretchen Felker-Martin hire Roman Manhunt virstellt. Et geet ëm d'Iwwerliewen no der Gender-Apokalyps, wou all Mënschen mat engem gewëssen Testosteronspiggel zu Zombies goufen.

Infos zum Buch Gretchen Felker-Martin – Manhunt, publizéiert bei Tor Nightfire

#169: Manner ass Méi – Broschtverklengerung

Méi wéi Sex — Fri, 27 Jun 2025 13:00:00 +0000

Wéi leeft amfong eng Broschtverklengerung of? Firwat wéilt een*t déi Operatioun? A wat huet Genderidentitéit domat ze dinn? An dëser Episod schwätzen Robin a Lynn iwwer dem Lynn seng Broschtverklengerung a seng Erfarungen mat dem Prozess.

An der Rubrik schwätzt d'Ella iwwer den Hymen.

#168: Eng oder Dausend Nuechten? – One Night Stands

Méi wéi Sex — Fri, 13 Jun 2025 13:00:00 +0000

Wat ass amfong e One Night Stand? An ass et nach ee One Night Stand, wann een*t dono onerwaart rëm Sex mat däer Persoun huet? An dëser Episod diskutéieren de Joël, den Elie an d*e Robin dës Froen an erzielen vun hiren Erfarungen mat One Night Stands. Och schwätzen si driwwer, op e One Night Stand wierklech an enger Bezéiung ende kann an ob een*t dono nach befrëndt ka sinn.

An der Rubrik schwätzt den Elie iwwer Koppeltherapie.

Shownotes: Iwwer d'Studie mat de Sexaarbechterinnen: Segal, L. (2001) The Belly of the Beast: Sex as Male Domination? In S.M. Whitehead & F.J. Barrett (Eds.) The Masculinities Reader (pp. 100-111). Polity Press. Eis Episod zum Thema "Friemgoen"

167: Méi wéi rout Rousen – Wat si romantesch Gefiller?

Méi wéi Sex — Fri, 30 May 2025 13:00:49 +0000

Een Date bei Käerzeschäin, Rouseblieder um Bett – dat si Biller,déi deene meeschte vun eis an de Kapp kommen, wa mir d’Wuert„Romantik“ héieren. Mä wat ass dat am Fong, romanteschGefiller? An dëser Episod ginn d*e Robin a Kelly där Fro opd’Spuer an entdecken, datt dat guer net esou einfach ass, wéieen*t vläicht denke kéint. Si schwätzen iwwert den Ënnerscheedvu romanteschen zu frëndschaftleche Gefiller, iwwer Romantik alsgesellschaftlecht Konstrukt an doriwwer, wéi cute Gesten eng(romantesch) Bezéiung kënnen definéieren. An der Rubrik schwätzt d’Ella iwwert „Sex Wars“ aus den 1970er-Joren.

Shownotes Episod 57 Ech wëll eppes vun dir – mä wat? Episod 121: The One – Gëtt et déi éiwegt Léift? Episod 126: Méi wéi just heiansdo Sex – Demisexualitéit Episod 157: Déi wichtegst Persoun a mengem Liewen? – Hierarchien tëschent Bezéiungen Rubrik zum Mythos Sex Drive

Types of attraction Amatonormativiteit Questionable Origins of Love Languages Choosing Therapy zu romantic attraction Bicher: bell hooks: all about love Angela Chen: Ace

#166: Däerf ech dech kussen? Konsensmodeller an hir Limitten

Méi wéi Sex — Fri, 16 May 2025 13:00:00 +0000

Konsens ass sexy, liest een*t op ville Plazen. Dat stëmmt, mä Konsens ass net ëmmer einfach. Sou ass den Ënnerscheed tëscht Nee heescht Nee a Jo heescht Jo vläicht op den éischte Bléck net immens grouss, mä d'Konsequenzuen dovunner si gewalteg. An dëser Episod schwätzen den Robin, d'Ella an den Elie iwwert verschidde Modeller, déi eent benotze kann, fir Konsens bei sexuellen Aktivitéite sécher ze stellen. Et geet net nëmmen dorëms, wat fir eng Philosophie déi verschidde Modeller hunn, mä och doriwwer, wat fir Nodeeler se kënnen hunn a wat een*t un hinne ka kritiséieren.

An an der Rubrik erkläert eis den Elie, wat Autosexualitéit ass (Spoiler: et huet näischt mat Autoen ze dinn).

Shownotes: Erklärungen zum Wheel of Consent Zine "Konsens lernen" (Learning Good Consent)

#165: AI & Me – den Afloss vu kënschtlecher Intelligenz op eist Sexliewen

Méi wéi Sex — Fri, 02 May 2025 13:00:00 +0000

Sougenannt kënschtlech Intelligenz ass iwwerall, an de Hype ass risegrouss. Wäerte mir deemnächst Bezéiunge mat Chatbots féieren a Sex mat AI hunn? Oder wäerte mir eng Flut u Falschinformatiounen an der sexueller Bildung erliewen, déi vu grousse Sproochemodeller verbreet ginn, wärend Berodungsstelle mat richtege Mënschen hir finanziell Mëttele gestrach kréien? De Joël, Kelly an d'Ella diskutéieren iwwert Vir- an Nodeeler vu KI, erzielen iwwert hir Erfarunge beim Flirte mat ChatGPT a prognostizéieren zukünfteg AI-Geschäftsmodeller fir Datingapps. An der Rubrik erkläert d'Ella, wat et mat der Petitioun Nummer 3198 op sech huet. Shownotes: Dem Joël säin Essay iwwer AI: Der Computer bleibt dumm Nicola Döring et al.: The Impact of Artificial Intelligence on Human Sexuality: A Five-Year Literature Review 2020–2024 Nicola Döring: Jugendsexualität und Künstliche Intelligenz – Empfehlungen für die Sexual- und Medienpädagogik KI gegen Einsamkeit: Die Illusion von Gesellschaft

Note: Leider ass eis ee Feeler an der Rubrik ënnerlaf. Et huet een hallwen Dag an net just 6 Stonne gedauert, bis d'Petitioun no.3281 déi néideg 4.500 Ënnerschrëften zesummen hat.

#164: Fuck around and find out? – konstruktiv mat Regreten ëmgoen

Méi wéi Sex — Fri, 18 Apr 2025 13:00:00 +0000

Aus der Community huet eis eng Ufro erreecht, fir iwwer Regrets ze schwätzen: dat heescht, eng Erfarung dono ze beréien a sech ze wënschen, et hätt een*t dat net oder aanecht gemaach. De Joël, den Elie an d*e Robin schätzen an dëser Episod doriwwer, wat fir eng Regrets si hunn, firwat si sech op déi Erfarungen agelooss a se dono bereit hunn (oder och net): Och diskutéiere si, wéi et hinnen dono gaangen ass a wéi si domadder ëmgaange sinn.

An der Rubrik erklärt den Elie d Pornotrends vum Joer 2024.

Wann s du en Thema hues, vun deem s du mengs, dass et interessant wier wa mir dat beschwätzen, da schreiw eis iwwer Instagram, Facebook oder eng Email op sex@ara.lu.

#163: Swipen, Matchen, Fécken? – Online Sex fannen

Méi wéi Sex — Fri, 04 Apr 2025 13:00:00 +0000

Sex fannen ass haut net méi schwéier, well et gi jo Appe dofir. Op Quickie oder Bezéiung – an der schéiner net méi esou neier Online-Welt gëtt et fir jiddereen*t eppes. Oder op d'mannst wierkt et esou. De Joël an den Elie schwätzen an dëser Episod doriwwer, wisou déi Appe dacks esou ugeluecht sinn, datt et méi ëm d‘Swipe geet wéi ëm d‘Persounen op de Profiller. Si erziele vun Iwwerangebot, vun Déieren op Profilfotoen an schwätzen doriwwer, wéi een*t sech méiglechst sécher op esou Plattforme beweege kann.

An der Rubrik erklärt eis d‘Ella, wat et mam „Male Gaze“ op sech huet.

Shownotes: Artikel iwwer AI-Companions an der woxx

Nëtzlech Rubrik vun eis: How to: Safe(r) Sexting

#162: Féck de System – Wéi de Kapitalismus eise Sex futti mécht

Méi wéi Sex — Fri, 21 Mar 2025 14:00:00 +0000

Féck de System - e Saz, deen een*t oft vu Lénken héiert. Mee firwat eigentlech? De Joël, d*e Robin an eis nei Stagiaire Ella diskutéieren an dëser Episod, a weifern de Kapitalismus en Afloss op eis Sexliewen, Bezéiungen, Identitéiten an Sexualitéiten huet. Si erklären, a weifern de Kapitalismus eis Sexualitéit a Produiten verwandelt oder mat Produiten ergänzt, a firwat Fraen ënnert dem Sozialismus anscheinend bessere Sex haten.

An der Rubrik erzielt den Elie davun, wéi een*t erkenne kann, ob Monogamie eppes wier een*t ass.

An der Episod erwähnt d*e Robin e Buch: D Buch heescht “Amerikas Gotteskrieger: Wie die Religiöse Rechte die Demokratie gefährdet” a gouf 2021 (net 2018) vun der däitscher Amerika Wëssenschaftlerin Annika Brockschmidt publizéiert.

Weider Quellen an Empfeelungen: “Sexual Hegemony: Statecraft, Sodomy, and Capital in the Rise of the World System” vum Christopher Chitty (2020) “Warum Frauen im Sozialismus besseren Sex haben - Und andere Argumente für ökonomische Unabhängigkeit” vum Kristen Ghodsee (2018) “The Dispossessed” vum Ursula K. Le Guin (1974)

#161: Wéi Therapie mäi Sexliewe verännert huet – Therapie, Bezéiungen a Sexualitéit

Méi wéi Sex — Fri, 07 Mar 2025 14:12:00 +0000

An Therapie goe mécht net just eppes mat enger*m selwer, mä och mat der eegener Bezéiung an dem Sexliewen. An dëser Episod schwätzen den Elie an d*e Robin doriwwer, wat fir Verännerungen si bemierkt hunn. Et geet ëm Dreem iwwert den Therapeut, doriwwer datt elleng de Fait an Therapie ze goen net alles direkt besser mécht, a wéi Therapie och een Afloss op d'Zuel vun de Partner*innen kann hunn. Dat alles kréie mir vun zwou Säiten aus erzielt: d*e Robin aus der Siicht vum*vun der Patient*in, den Elie aus der Siicht vum Therapeut.

An der Rubrik erzielt d'Ella eis alles, wat mir Wichteges iwwer Blosenentzündunge wësse mussen.

#160: Size matters? – Penisgréisst

Méi wéi Sex — Fri, 21 Feb 2025 14:00:00 +0000

D'Halschent vun der Populatioun huet en: de Penis. An e groussen Deel vun der Populatioun ass u Penisser sexuell interesséiert. "De Penis" gëtt et dobäi amfong net wierklech - Penisser kommen an alle Gréissten a Formen. Dominant an der Konversatioun ëm Penisser ass dobäi oft d Gréisst vun deem Kierperdeel: d'Meenungen iwwer d'Wichtegkeet vun de Moossen ginn dobäi oft auseneen. De Joël an d*e Robin schwätzen an dëser Episod doriwwer, firwat mäer deem Ganzen amfong souvill Bedeitung zoumoossen, wat et mat "dick energies" op sech huet, a wat hir Erfarunge mat Penisgréisst sinn.

An der Episod erklärt den Elie an der Rubrik Aktualitét, wat dee néi entdeckten "Sexom" ass.

Aner Folgen iwwer Penis- a Männlechkeetsufuerderungen: #059 Männlechkeet #67 Haaptsaach eng Gäns? – Penisonsécherheet an aner léisbar Problemer

#159: Tëscht Wichsvirlag a Musée – sexy Konscht konsuméieren

Méi wéi Sex — Fri, 07 Feb 2025 14:00:00 +0000

Ob Aktmolerei, Fanfiction oder Performances – heiansdo hu mir Loscht, sexy Konscht ze konsuméieren. An dëser Episod schwätze Kelly an de Joël iwwert den Ënnerscheed tëscht Porno a Konscht, iwwert dat sexy Potenzial vu verschidde Medien an erziele vun hiren Erfarungen mat Texter, Biller an anere Konschtformen. Si schwätzen och doriwwer, wéi a wisou mir selwer (sexy) Konscht kënne maache sollten.

An der Rubrik stellt Kelly eng Mindfulnessübung vir.

Shownotes - Buch: "erotica universalis" (TASCHEN Verlag) - Performance Deborah de Robertis - Youtube: Video-Essay zu Omegaverse, nach een Video-Essay zu Omegaverse Further Reading: - Susan Sontag: The Pornographic Imagination - Wikipedia: History of erotic depictions - "Kunst-Performances zu Sexualität" (Paper vum Nicola Döring) - Fraen an der Konscht (Zines vun R22)

#158: Let’s talk? – Iwwer meng Bezéiungen a Sex schwätzen

Méi wéi Sex — Fri, 24 Jan 2025 14:00:00 +0000

An dëser Episode schwätzen de Joël a Kelly iwwer Schwätzen: Mat wiem schwätzen si (net) gär iwwert hier Bezéiungen a Sex? Firwat schwätzt een iwwer seng Bezéiungen a Sexualitéit, a wei fënnt een eraus, wat een iwwerhaapt erzielen dierf? Soll een sech hei mat senge Bezéiungs/Sex-Persoun(en) eppes ausmaachen? Si schwätzen dann och doriwwer, wéi mir aus der Gossip-Fal zu éierlechen, beräicherende Gespréicher kommen. Dat a méi héiers du elo.

An der Rubrik schwätzt den Elie iwwer Poppers.

#157: Déi wichtegst Persoun a mengem Liewen? – Hierarchien tëschent Bezéiungen

Méi wéi Sex — Fri, 10 Jan 2025 14:00:00 +0000

Déi meeschte Leit hu vill Bezéiungen vun ënnerschiddlecher Natur, déi meeschtens all eenzegaarteg a wäertvoll sinn. Leider hu mäer alleguer nëmme 24 Stonnen am Dag, an déi si meeschtens dann zu engem groussen Deel mat Aarbecht, Schoul a Selferhalung gefëllt. Oft muss dann tëscht Bezéiungen prioriséiert ginn, an an enger amatonormativer Welt gëtt dann oft d*e Partner*in zur wichtegster Persoun am Liewen. De Joël an d*e Robin schwätzen an dëser Episod doriwwer, wéi si d Mënschen an hirem Liewen prioriséieren, a wourun si déi Décisiounen festmaachen.

An der Rubrik schwätzt Kelly iwwer Sex an Trauma.

#156: Make or break – Strait, Versöhnung an (keen) Sex

Méi wéi Sex — Fri, 27 Dec 2024 13:00:00 +0000

An dëser Episode schwätzen Elie a Kelly iwwer (gutt a manner gutt) Grënn fir no engem Konflikt Sex ze hunn. Weieng Léit hunn éischter Makeup Sex? Wat kann een ausser Sex nach machen? An wat ass mat Breakup Sex? Dat héiers du elo.

Rubrik How to Complete your Stress Cycle

#155: Gutt spruddeleg – Wéi Neurodivergenz Bezéiungen a Sex beaflosst

Méi wéi Sex — Fri, 13 Dec 2024 14:00:00 +0000

Een neurodiverst oder neurospruddelegt Gehier ze hunn, verännert déi Aart a Wéis, wéi een*t Bezéiunge feiert a wéi een*t Sex huet. Den Elie an d*e Robin erzielen an dëser Episod, wéi dat fir si ass. Si erziele vun Diagnosen, vu Luuchten, déi ze haart sinn a vun de Gemeinsamkeeten tëscht Queerness an Neurospruddelegkeet.

An der Rubrik erkläert eis Kelly, wat Meta-Gefiller sinn a wéi se eist Sex- a Bezéiungsliewen veränneren.

#154: Ech sinn een Kierper, an elo? – Body-Mind-Split (an der Praxis)

Méi wéi Sex — Fri, 29 Nov 2024 14:00:00 +0000

Hues du e Kierper oder bass du e Kierper? D'Trennung vu Kierper (body) a Geescht (mind) bestëmmt, wéi mer (eis) fillen a wéi mer mat eis, mat Aneren a mat der Ëmwelt ëmginn. Ween woren déi al wäiss Männer, déi di Trennung/Hierarchie erfonnt hunn? An vill mei wichteg: Wat mer kenne maachen (Sex?), fir déi ze hannerfroen?

Quellen - Kapitel 8 (bonus): Besser Orgasmen

#153: Loscht, Spaass, Intimitéit – Wat sinn Grënn fir Sex?

Méi wéi Sex — Fri, 15 Nov 2024 14:00:00 +0000

Déi meeschte Mënschen hu méi oder manner reegelméisseg Sex - mee firwat? Däer Fro ginn de Joël a Kelly an dëser Episod no, an diskutéieren dobäi iwwer verschidde Weeër fir (méi oder manner) geléifte Mënsche no ze sinn, iwwer Spaass an d Loscht, déi aus verschiddene Sourcen entstoe kann. Och schwätze si doriwwer, wéi a firwat "Sex hunn" als normal an obligatoresch an eiser Gesellschaft gëllt - e Phänomen, dat als "compulsory sexuality" bezeechent gëtt.

An der Rubrik verzielt Kelly, wéi een*t besser Orgasmen hu kann.

Wann Iech dës Episod gefall huet, deelt se mat aneren. Denkt och drun, eis op äre Podcastplattformen wéi Spotify oder Apple Podcasts ze followen an ze bewäerten. Dir kënnt eis och op Instagram, Tiktok, Facebook a Youtube followen.

Shownotes: Episod #126: Méi wéi just heiansdo Sex - Demisexualitéit Episod #142: Keng Persoun, déi wëll, kee Bock, an elo? - Kee Sex hunn Buch vum Sherronda J. Brown (2022). Refusing Compulsory Sexuality - A Black Asexual Lens on Our Sex-Obsessed Culture. North Atlantic Books.

#152: Op Aenhéicht trotz Ënnerscheeder – Hierarchien a Bezéiungen

Méi wéi Sex — Fri, 01 Nov 2024 14:00:00 +0000

Obwuel mir probéieren, a Bezéiungen op Aenhéicht ze sinn, ginn et dacks Muechtënnerscheeder. Ob a Frëndschaften oder Koppelen, dacks sinn et Facteure wéi Alter, Suen oder Wëssen, déi fir Hierarchië suergen. De Joël an d*e Robin schwätzen an dëser Episod doriwwer, wéi si mat esou Hierarchien ëmginn a wat si maachen, fir se auszegläichen. Si diskutéieren net nëmmen iwwert ee finanziellen Ausgläich, mä och iwwert Fro, ob et méiglech ass, säin*seng Chef*in ze daten. An der Rubrik schwätzt den Elie iwwert Chemsafe.

#151: Dsau, dsa an aner Obscénitéiten – Sprooch a Pronomen

Méi wéi Sex — Fri, 18 Oct 2024 13:00:00 +0000

An eisen Episoden ass munchen vun eise Nolauschter*innen bestëmmt schonn opgefall, dass mäer als Méi Wéi Sex Team d'lëtzeboier Sprooch heinsdo aanecht gebrauchen wéi se geleefeg benotzt gëtt. Mäer benotzen oft gendersensibel Sprooch, an adaptéieren d Sprooch domat zu eise Besoinen.

An dëser Episod schwätzen de Joël, den Elie an d*e Robin iwwer hire Sproochgebrauch an diskutéieren hir Usiichten. Och schwätzen si iwwer Pronomen, a wéi gendersensibel Sprooch a Pronomen am Lëtzeboieschen kënnen ëmgesat ginn.

An der Rubrik schwätzt Kelly doriwwer wéi een*t zum Orgasmus komme kann.

Robin erklärt firwat een*t den H-Slur net benotze sollt: Eng gutt Fro: Wat ass Intergeschlechtlechkeet?

#150: Vu Pornoen, Freud a Fanfictions – wouhier kommen eis sexuell Fantasien?

Méi wéi Sex — Fri, 04 Oct 2024 13:00:00 +0000

Ob an eisen Dreem, beim Masturbéieren oder einfach matzen am Dag – déi meescht vun eis hu sexuell Fantasien. Si kënne ganz harmlos sinn, si kënnen intrusiv sinn oder och esou komesch, datt mir se net wéilten ëmsetzen. An dëser Episod maachen sech d*e Robin, den Elie an de Joël op eng Rees an d'Onbewosstsinn a probéieren erauszefannen, wouhier eis Fantasien eigentlech kommen. Si schwätzen iwwert komesch Theorien, wéi gesellschaftlech Normen an eis ganz privat Fantasien andréngen an doriwwer, wéi si mat hire Fantasien ëmginn. An der Rubrik schwätzt den Elie iwwer Chemsex – net just fir all fir all déi, déi (nach keng) Fantasien doriwwer hunn.

#149: No enger Trennung eenz ginn – How to get over it

Méi wéi Sex — Fri, 20 Sep 2024 13:00:00 +0000

Fir vill Mënschen ass eng Trennung, egal op vu Partner*innen oder Frën*dinnen, eng aschneidend Erfarung am Liewen - an oft eng Erfarung, mat däer net ëmmer jiddfereen*t gutt eenz gëtt. De Joël a Robin ginn an dëser Episod Tipps an Tricks wéi een*t mat enger Trennung eenz gi kann: vu schréiwen iwwer (net ze vill) schaffen, bis bei d Fro op Rebound Sex eng gutt Iddi ass. Och schwätze si driwwer, wéi een*t Frën*dinnen ënnerstëtze kann, déi grad duerch Trennungskrise ginn.

An der Rubrik gëtt Kelly en How To fir mat schwierege Gefiller eenz ze ginn.

Hei sinn aner Episoden, déi mäer schonn zum Thema Trennung opgeholl hunn: #87: Ende gut, alles gut? – Vu Schlussstrécher an aneren Enner #112: Kontaktpausen, Parkgespréicher an de leschte Sex – Wei kann een*t sech trennen? #146: De Kuerf kréien an de Kuerf ginn – Ee gudden Ëmgang mat Zréckweisung

Falls et guer net méi geet, kanns de der hei Ënnerstëtzung an Hëllef sichen: https://454545.lu/ https://www.kjt.lu/de/ https://www.kjt.lu/de/elterentelefon/ https://www.prevention-suicide.lu/

#148: Vun Opreegung an Enttäuschungen – Méi wéi eng éischte Kéier

Méi wéi Sex — Fri, 06 Sep 2024 13:00:00 +0000

Et ass ee ganz besonnesche Moment am Liewen, no deem alles aneschters ass: Déi éischte Kéier. Mä Moment emol, vu wat fir enger éischter Kéier schwätze mir iwwerhaapt? Wisou denke mir bei deene Wierder direkt u penetrativen Penis-a-Vagina-Sex? Eis Podcast*innen Joël, Robin a Lynn diskutéieren, ob hir „éischte Kéier“ iwwerhaapt hir wierklech „éischte Kéier“ wat an iwwerleeën sech, wéi d’Ausernanersetze mat der perséinlecher Geschicht dozou feiere kann, datt ee verschidde Momenter ëmdefinéiert. Ausserdeem schwätze mir iwwert deen éischte queere Sex, d’Sex-Olympiad a Jalousie op aneren hir éischte Kéieren. An der Rubrik erkläert eis den Elie, wat Sober Sex ass. Shownotes: Episod #125: Vun Zongen, Spaut an Puzzlestecker – éischt Kussen Episod #109: Wann et einfach net geet – Vaginismus

#147: Wat ass queer? – Community Episod

Méi wéi Sex — Fri, 12 Jul 2024 13:00:00 +0000

Fir eisen End of Season Event vun der 6ter Staffel hate mer net nëmmen zwee wonnerbar Workshops an eng Drag Show, mee mäer hunn och mat eiser wonnerbarer Community live eng Episod opgeholl!

Mir hu mat Iech driwwer geschwat, wat "queer" amfong ass, an hunn dobäi villfälteg Aspekter vun deem Thema beliicht (och mat Ärer Participatioun!). Si net-monogam a neurodivergent Mënschen inherently queer? Gëtt et amfong "d queer Community"? A wat ass eigentlech queere Sex?

An der Rubrik schwätzt Kelly iwwer Bindungsmusteren a Sex.

#146: De Kuerf kréien an de Kuerf ginn – Ee gudden Ëmgang mat Zréckweisung

Méi wéi Sex — Fri, 28 Jun 2024 13:00:00 +0000

Et deet wéi, wa mir net gewollt ginn oder eng Persoun ënnerhalb vun enger Bezéiung eis zeréckweist. Dat Gefill ka mol méi schlëmm, mol manner grouss sinn. An dëser Episoden zielen d*e Robin an de Joël, wéi si domadder ëmginn a wat hir Tipps sinn, fir ze vermeiden, datt dat Gefill iwwerhaapt opkënnt. Mä net nëmme mir selwer kënnen ee Kuerf kréien, heiansdo si mir och an enger Situatioun, wou mir eng aner Persoun zeréckweise mussen. Och dat ass net einfach, vläicht esouguer méi schwiereg – mä och hei huet ären Liblingssexpodcast Tipps fir Iech! An an der Rubrik schwätzt den Elie doriwwer, wéi ee Business Meeting hëllefe kann, besser ze kommunizéieren. Vergiesst och net eisen Event de 6. Juli an de Rotonden, wou dir bei Workshops a bei enger Live-Opnam vun enger Episod kënnt dobäi sinn.

#145: Vu Gefiller a Kierperen – Schwangerschaft

Méi wéi Sex — Fri, 14 Jun 2024 13:00:00 +0000

Schwangerschaft ass eng aschnéidend Zäit am Liewe vu ville Leit, déi sech fir Eltreschaft a Kanner décidéieren. Gläichzäiteg ranke sech vill Mythen ëm Schwangerschaft an ëm d Kierperen vu Mënsche mat Uterus. An dëser Episod erzielt d Paule dem Robin iwwer seng zwou Schwangerschaften, seng Gefiller rondrëm a wéi säi Kierper sech verännert huet. Och schwätzt hat un wéi seng Schwangerschaft seng Perceptioun vu sech selwer an der Welt an wéi seng Bezéiungen mat de Leit a sengem Liewen sech verännert hunn.

An der Rubrik schwätzt Kelly iwwer de Mythos vum vaginalen Orgamus.

#144: Oneenegkeeten aushalen – Konstruktiv Streiden

Méi wéi Sex — Fri, 31 May 2024 13:00:00 +0000

Fir déi meescht vun eis ass Sträit direkt mat onangeneeme Gefiller a Situatioune verbonnen: sech ublären, Beleidegungen, geklaakten Dieren a gebrachent Porzeläin. Mä dat muss net sinn, et kann een*t nämlech och konstruktiv streiden. Also esou, datt herno weder Teller nach Häerze gebrach sinn an een an enger Bezéiung weider kënnt. An dëser Episod erklären den Elie a Kelly, wéi si dobäi virginn, wourobber een*t wärend engem Sträit oppasse sollt a wat een*t duerno maache kann, fir erëm zou sengem Géigeniwwer an sech selwer ze fannen.

An der Rubrik geet et ëm een Thema, datt dir méi entspaant ugoe sollt: Den Elie erkläert eis, wéi een een Analplug benotzt.

#143: Ech wëll eppes vun dir an ech weess genee wat – queer netmonogam Frënd*innenschaften

Méi wéi Sex — Fri, 17 May 2024 13:00:00 +0000

Frënd*inneschaften si fir déi allermeeschte Mënschen e wichtegen Deel vun hirem (soziale) Liewen. Leider leede verschidde Faktoren an enger hetero- a mononormativer Welt dorun, fir eis Frënd*inneschaften heinsdo ze vernoléissegen. De Joël an d*e Robin schwätzen an eiser Episod doriwwer, wéi si hir Frënd*inneschafte gesinn - a firwat si queer net-monogam Frënd*inneschaften pfleegen, a wéi hir Queerness a Net-Monogamie déi Frënd*inneschaften stäerkt.

An der Rubrik schwätzt Kelly iwwer Spectatoring.

Shownotes:

Episod 57 iwwer Attraktioun

#142: Keng Persoun déi wëll, kee Bock, an elo? – Kee Sex hunn

Méi wéi Sex — Fri, 03 May 2024 13:00:00 +0000

Et gi Momenter am Liewen, do huet een*t kee Sex. An dat net ëmmer ganz fräiwëlleg an och net ëmmer ganz glécklech. Kelly an de Joël schwätzen an dëser Episod doriwwer wat dat mat eis mécht a wat fir Grënn et ginn, kee Sex ze hunn. Si erzielen, wéi eng wichteg Erkenntnis dobäi hëllefe kann, eng Zäit ouni Sex ze akzeptéieren a wat fir Méiglechkeeten et gëtt, vir erëm méi Sex ze hunn – oder awer, wéi een*t Alternative fanne kann. An an der Rubrik erkläert den Elie eis, wat Intimpiercingen sinn a wat fir verschiddenen Zorten et ginn.

Interessant Links: MwS Episod #75 iwwert Dauer vu Sex MwS Episod #69 iwwert Asexualitéit MwS Episod #126 iwwert Demisexualitéit Come As You Are vum Emily Nagoski

#141: Cu oder Byebye? – Verhütung mat der Kofferspiral

Méi wéi Sex — Fri, 19 Apr 2024 13:00:00 +0000

D*e Robin huet Angscht viru Kofferdéiwer - wéi dat?! Ganz einfach: d*e Robin benotzt e Koffer IUD zur Empfängnisverhütung, an dat säit 5 Joer. Während d'Thema Kofferspiral vun Zäit zu Zäit opkënnt, wësse vill Mënschen zimmlech wéineg iwwer dat awer scho relativ aalt Verhütungsmëttel - an oft nach manner iwwer seng néi Re-erfindungen! An dëser Episod freet de Joël d*e Robin aus: iwwer déi verschidde Formen vun der Verhütung mat Koffer, wéi sou e klenge Metalldrot amfong eng Schwangerschaft verhënnere soll an iwwer dem Robin seng Erfarungen mat dëser Verhütungsmethod. Dës Episod ass dann och Deel vun enger neier Serie iwwer Erfarungsberichter mat verschiddene Verhütungsmëttelen. Wann s du deng Erfarungen mat eis op der Antenn deele wëlls, da schréif eis op sex@ara.lu oder kontaktéier eis iwwer social media. :)

An der Rubrik schwätzt Kelly iwwer Selbstkritik a kulturelle Kontext.

Update Februar 2026: an Holland gëtt de Kofferball mëttlerweil net méi vu Gynecolog*innen agesat, opgrond vu vermehrte Berichter vu Schwangerschaften a Komplikatiounen, an d'staatlech Gesondheetsdengschter hunn eng Warnung rausginn. Aus anere Länner sinn däer Rapporter allerdéngs nach keng komm. Over 100 women got pregnant with Ballerine IUD; Health Min. advises getting alternative Health concerns rise after Ballerine IUD removals in the Netherlands

Shownotes: Infos iwwer d'Kofferspiral Kofferspiral fir jonk Mënschen Infos iwwer d'Kofferketten Infos iwwer de Kofferball Dem Kelly seng Rubrik iwwer thermesch Verhütung

#140: Turnschlappen, Brëscht a Menopause – (kee) Sex am mëttleren Alter?

Méi wéi Sex — Fri, 05 Apr 2024 13:00:00 +0000

De mëttleren Alter ass berühmt-berüchtegt - a vill Leit kucken deem Ofschnëtt vum Liewen mat enger gewësser Angscht entgéint. Angscht, dass "déi gutt Zäiten" dann eriwwer sinn, Angscht virun kierperleche Verännerungen, virun engem Verloscht u Sexualitéit. An dëser Episod schwätzt Kelly mat engem ganz besonnesche Gaascht iwwer dëse Liewensofschnëtt: d'Sandra erzielt vu Bestietnisser, Kanner, Brëscht a Sex moies fréih.

An der Rubrik schwätzt den Elie iwwer MDMA Koppel Therapie.

Shownotes: Podcast „I Weigh“ with Jameela Jamil TED Talk: „The secret to mastering life's biggest transitions“ with Bruce Feiler Emily Nagoski „Come as you are“

#139: FOMO, Konsum an d’Britney – Toxic Sex Positivity

Méi wéi Sex — Fri, 22 Mar 2024 14:00:00 +0000

Influencer*innen, Partien, esouguer Produiten: Et schéngt, wéi wa jiddereen*t a säi Cousin hautdesdaags sexpositiv wéilte sinn. A wärend déi eng vun de wonnerbaren Orgien erzielen, op deenen si waren, kréien déi aner FOMO, d'Fear of Missing Out. Mä wien decidéiert eigentlech, wat mir net „verpassen“ dierfen? An dëser Episod schwätzen de Joël an d*e Robin iwwert déi toxesch Säit vu Sex Positivity, iwwert déi esoteeresch an essentialistesch Weltbiller, déi sech dacks hannert engem sexpositiven Image verstoppen – an doriwwer, wéi mir selwer entscheede kënnen, wat mir net verpasse wëllen a wat schonn. A wann dir duerno nach net genuch entspaant sidd, schwätzt Kelly an der Rubrik iwwer Stress.

#138: Vu Walrecht, Hausbesetzungen an neie Beweegungen – Feminismus zu Lëtzebuerg

Méi wéi Sex — Fri, 08 Mar 2024 14:00:00 +0000

Et ass den 8. Mäerz, de feministesche Kampfdag! Passend zu dëser Occasioun schwätze mäer an dëser Episod iwwer d Geschicht a Géigewaart vum feministesche Kampf zu Lëtzebuerg. An d*e Robin ass dobäi net alleng, mee huet Ada vum Kënschtler*inne Kollektiv Richtung22 am Studio. Ada gëtt dann och e klengen Abléck an d Zukunft vun der lutte féministe am Land.

Shownotes: Megaphone.lu (Website an op Instagram) Fraendag.lu Buch: Mit den Haien Streiten

#137: It’s fucking political – Sex a Politik

Méi wéi Sex — Fri, 23 Feb 2024 14:00:00 +0000

Haut gëtt et politesch! De Joël an d*e Robin diskutéieren, firwat a wéi Sex a Sexualitéit politesch si kënnen, an och ob Sex ëmmer politesch ass. Wann s du heiere wëlls, wat Politik mat HIV, Kondomer an Hoer ze dinn huet a firwat dass eist Méi Wéi Sex Team kee Sex mat Nazis huet, da lauschter an dës Episod eran.

An der Rubrik schwätzt den Elie iwwer ADHS a Bezéiungen.

Shownotes: Kontroversen ëm Fuck For Forest: Congress a Public Sex Controversy Kriminaiséierung vu queere Mënschen Beispiller vun ACT UP Gran Fury Interview Iwwer Gran Fury Grujeleg Reklammen iwwer AIDS aus UK: hei an hei

#136: Vun Plugs, Pegging an Popos – Analsex

Méi wéi Sex — Fri, 09 Feb 2024 14:00:00 +0000

Et ass gläichzäiteg een Tabuthema an ee vun deene meeschtgesichten Termen op Pornositen. Et kann een*t et mat Toys, mat Fanger, mat der Zong, mat engem Penis oder esouguer der ganzer Fauscht maachen. Riets ass vun Analsex. De Joël, den Elie an d*e Robin schwätzen ënnert anerem doriwwer, ob si léiwer Analsex oder Butt Stuff soen, wat een*t drun hënnere, kann et auszeprobéieren, wat fir wichteg Methoden et fir safer sex bei Analsex ginn an doriwwer, wéi gesond et ass, heiansdo am Aasch ze sinn.

An der Rubrik erkläert den Elie eis, wat Blue Balls sinn.

#135: Du Aarsch – Vum Kickes bis zum Po, alles iwwer Hënnere

Méi wéi Sex — Fri, 26 Jan 2024 14:00:00 +0000

Firwat fënnt een Hënneren interessant oder attraktiv? Wéi gëtt de Pupes popkulturell präsentéiert? Wéi oft denkt een un den eegene Kickes? Wat formt eis Bezéiung zu eisem Dokes? A wat kann een alles mat Äersch maachen? Doriwwer schwätzen de Joël a Robin an dëser Episode. An der Rubrik schwätzt Kelly iwwer „How to: Complete Your Stress Cycle“. Links: - Guardian Artikel - 1001 Fesses Project

#134: Méi wéi Doftkäerzen an Meditéieren – Self Care

Méi wéi Sex — Fri, 12 Jan 2024 14:00:00 +0000

D'Joer 2024 huet ugefaangen, an dat kënnt fir vill Leit mat Neijoersvirsäz anhir! Vu dass Self Care momentan zimmlech e thing ass, ass dëst Konzept eise Podcaster*innen och als Virsaz duerch de Kapp gaang. De Joël an d*e Robin schwätzen an dëser Episod doriwwer, wat Self Care amfong ass, wéi se ausgesi kann a firwat si et net op hir Lëscht vun de Neijoersvirsäz gepackt huet.

#133: Popcorn, Picknick oder Poppen – Wat ass een (gudden) Date?

Méi wéi Sex — Fri, 29 Dec 2023 14:00:00 +0000

Wien kennt et net? Et trëfft een*t sech mat enger Persoun, et ënnerhält een*t sech gutt an um Enn freet een*t sech: War dat elo een Date? De Joël, den Elie an Kelly probéieren an dëser Episod, dem Geheimnis op d'Spuer ze goen an ze klären, wat een Date ass. An well mir net bei de Basics ophalen, erziele mir dann och, wat ee gudden oder esouguer de perfekten Date wier. E puer Tipps fir gutt Locations an Aktivitéite fir äre nächsten Date gi mir iech och!

An der Rubrik schwätzt Kelly iwwert de Mythos vum Sexdrive.

#132: Daily Bodyhorrors – Ekel, Schummt a wierd Kierpersachen

Méi wéi Sex — Fri, 15 Dec 2023 14:00:00 +0000

Eenzel Hoer, klompeg Flëssegkeeten, interessant Gerösch - den dägleschen Kierper produzéiert sou Eeneges fir dat mer eis intuitiv schummen oder eekelen. An dëser Episode schwätzen de Joël a Kelly driwwer. Mir froen eis: Wat gëtt et esou u weirde Saachen, déi aus eise Kierpern erauskommen oder drop wuessen - a wouhier kommen Ekel a Schummt?

#131: Méi wéi eng déidlech Infektioun – HIV Témoignage

Méi wéi Sex — Fri, 01 Dec 2023 14:00:00 +0000

HIV an AIDS, Begrëffer déi och haut nach a ville Leit Angscht ausleisen. No der furchtbarer Epidemie an den 80er a 90er, déi virun allem queer Mënsche getraff huet, sinn och haut nach vill Stigmaën iwwer HIV an de Kapp vun de Leit ze fannen. Well et am Globale Norden méi roueg ëm d Thema HIV ginn ass, wësse vill Persoune net, dass d Wësseschaft säit de 90er wäit komm ass. De Patrick lieft säit 2007 mat HIV, an erzielt eis seng Geschicht.

An der Rubrik erklärt d Kelly, wat Arousal Non Concordance ass.

Shownotes: Infos iwwer PrEP zu Lëtzebuerg: prep.lu Méi Wéi Sex test sech op HIV: Episod 72 STI Témoignage HPV: Episod 114 HIV Berodung vun der Croix Rouge

#130: Coming out later in Life – Interview mamm Annette

Méi wéi Sex — Fri, 17 Nov 2023 14:00:00 +0000

Vill vun eis, virun allem déi méi jonk ënnert eis, hu sech relativ fréih an hirem Liewen mat Sexualitéit a Geschlecht auseneegesat. Virun allem an de soziale Medien an a ville queere Spaces ass d Perspektiv vu Jonke präsent, oder och nach vu manner Jonken déi vu queeren Erfarungen aus hirer Jugend erzielen. Mee wat ass mat Leit, déi sech réicht méi spéit am Liewe geout hunn? An dëser Episod schwätzt d*e Robin mamm Annette: si ass eng trans Fra, déi sech an hire 50er geout an hir Transitioun ugefaangen huet, a gëtt eis en Abléck an hir Erfarungen a Gefiller ëm d Thema Outing.

An der Rubrik erkläert den Elie, wat de Beruff vum Sexolog ausmëscht.

#129: Deng Mamm fënnt de Legolas flott – Elteren a Sexualitéit

Méi wéi Sex — Fri, 03 Nov 2023 14:00:00 +0000

An dëser Episod gëtt et ganz akward. Oder op mannst schwätze mir iwwert een Thema, dat vir vill Leit bëssi peinlech oder komesch si kann: Déi eegen Elteren a Sexualitéit. D*en Robin an de Joël schwätzen iwwer Opklärung a wéi déi u schlechte Bicher scheitere kann, iwwer Schimmt an d'Eltere beim Sex héieren. Ausserdeem erzielen déi zwee, wisou esou een Outing bei den Elteren heiansdo guer net esou dramatesch ass, wéi een*t vläicht gemengt hat. An wat et mat dem Legolas (sengem Hënner) op sech huet, gitt dir natierlech och gewuer.

An der Rubrik geet et em den Ënnerscheed tëscht Ereegung, Loscht an Unzéiung.

#128: Méi wéi just eng Course – Drag zu Lëtzebuerg

Méi wéi Sex — Fri, 20 Oct 2023 13:00:00 +0000

Wa Leit vun Drag heieren, dann denken se oft mol un Ru Paul's Drag Race - eng weltbekannte Show, déi Kultstatus an der queerer Kultur huet, an déi Drag an de Mainstream bruecht huet. Oder zumindest eng bestëmmte Form vun Drag ... Den Charlie ass e lëtzeboieschen Drag artist, a schwätzt mamm Robin doriwwer, aweifern Ru Paul's Drag Race d Drag Szen beaflosst huet, a wat den Term Drag amfong ëmfaasst. Als Lëtzeboier gëtt den Charlie och Abléck an déi lëtzeboiesch Drag Szen. Lauschter dës Episod fir e gudden Intro an d Thema Drag ze kreien!

An der Rubrik schwätzt den Elie iwwer Grounden.

Shownotes: CNN: The US has a rich drag history. Here's why the art form will likely outlast attempts to restrict it. BBC: The History of Drag and historical drag queens. Vox: How Ru Paul's Drag comments on trans women led to a Drag Race revolt - and a rare apology.

#127: Pony, Vokuhila oder Brosse – Frisuren a wat se bedeiten

Méi wéi Sex — Fri, 06 Oct 2023 13:00:00 +0000

Haut gëtt et mol erëm horeg. Kelly a Joël schwätzen awer net iwwer Intimbehorung, mä iwwer d'Frisuren, déi mir um Kapp droen. Déi soe jo meeschtens eppes iwwert déi Persoun aus, déi se dréit. Mä ginn et wierklech queer Frisuren? An wisou änneren esou vill Leit hir Frisur no engem Break-Up? Nieft deene Mysterien ginn de Joël a Kelly dann awer och der Fro no, wat Frisure mat Sex(appeal) ze dinn hunn.

An der Rubrik schwätzt Kelly iwwert Homologie.

Shownotes zu der Rubrik Eng Grafik, déi Homologie ganz gutt wéisst. Buch: Emily Nagoski „Come as you are“

#126: Méi wéi just heiansdo Sex – Demisexualitéit

Méi wéi Sex — Fri, 22 Sep 2023 13:00:00 +0000

Demisexualitéit - e Begrëff, dee vill Leit schonn eng Kéier héieren hunn, mee ëm deen et vill Mësskonceptiounen gëtt. Kelly an d*e Robin probéieren an dëser Episod, d'Notioune vun Attraktioun a Sexualitéit opzeschlësselen, erklären den Ënnerscheed tëscht A- an Demisexualitéit an erzielen dovun, wéi ënnerschiddlech si hir Sexualitéit wouerhuelen. Niewebäi geet et och ëm Kuch, Gas a Bremsen, a si ginn eng Äntwert op d Fro "Demi - Heiansdo Sex, guer kee Sex, vill Sex?" (Spoiler: it depends!).

An der Rubrik gëtt den Elie Tips zu Aftercare.

Shownotes Bicher - „Ace: What Asexuality Reveals About Desire, Society, and the Meaning of Sex“ vum Angela Chen - „(un)sichtbar gemacht – Perspektiven auf Aromantik und Asexualität“ Annika Baumgart & Katharina Kroschel - „Come As You Are“ vum Emily Nagoski - "Ace Voices: What it Means to Be Asexual, Aromantic, Demi or Grey-Ace" Eris Young - "Das asexuelle Spektrum: Eine Erkundungstour" Carmilla DeWinter

Méi vum Méi Wéi Sex Podcast: - Formen von unzeihung Episod 57 - Asexualitéit Episod 69 - Aromantik Episod 107 - Net-penetrative Sex Episod 118 - Sex Drive Episod 122

Videos vum Hannah Witton (op Englesch): - "Sexual Arousal, Desire and Attraction: What's the Difference?" (Ënnerscheed tescht sexueller Erregung, Loscht an Unzeiung) - "The Secret to Sexual Arousal" (Erreegung) - "The Truth About Sexual Desire" (Loscht/Begehren)

Méi vun den Ace_Arovolution (vum Baumgart&Kroschel): - Instagram - Glossar

Formen vun Unzéiung z.B. dësen Video: Types of attraction

#125: Vun Zongen, Spaut an Puzzlestecker – éischt Kussen

Méi wéi Sex — Fri, 15 Sep 2023 13:00:00 +0000

An der éischter Episode vun Staffel 6 (yay!) geet et em: éischt Kussen! 😗😘😚😙

Joël, Kelly, Robin an Elie schwätzen iwwer weieng éischt Kussen si haten, wat e gudden éischte Kuss ausmëscht an wei vill Zong gewollt ass. An der Rubrik erkläert Kelly, firwat een bei Erreegung net nëmmen muss op de Gas drécken, mee och vun der Bremse erofklammen.

#124: Outtakes!

Méi wéi Sex — Fri, 18 Aug 2023 13:00:00 +0000

Äert Méi Wéi Sex Team versuergt Iech mat Outtakes aus deene leschte Joren! Mir wënschen Iech vill Spaass mat eise Verspriecher, eisem Gegackers, Gesangs a Geklapps!

An der Rubrik schwätzt den Elie iwwer Summer-Sex.

#123: Sandwichkanner, béis Stéifschwësteren an ee groussen Tabu – Geschwëster

Méi wéi Sex — Fri, 21 Jul 2023 13:00:00 +0000

Et ass net ëmmer einfach mat hinnen, mä vill vun eis kënnen sech ee Liewen ouni si guer net virstellen: Riets ass vu Geschwëster. De Joël huet der véier a Kelly ass Eenzelkand mat ville Stéifgeschwëster. Si schwätzen doriwwer, wéi dat esou ass, mat oder ouni Begleedung opzewuessen, wat een*t esou präägt a wéi dat eegent Iessverhalen dovunner beaflosst gëtt. Am Gespréich geet et och ëm d'Fro, ob et eng Berechtegung huet, seng Positioun ënnert de Geschwëster als Ersatz-Stärenzeechen ze benotzen a wat et mat deem groussen Tabu Geschwëster a Sex op sech huet. Eng Rubrik gëtt et net, dofir wënsche mir iech ee schéine Summer – bis an der nächster Staffel, bléift hydratéiert!

#122: heiansdo horny, dauergäil oder ni Bock ? — Sex Drive

Méi wéi Sex — Fri, 07 Jul 2023 13:00:00 +0000

Sex Drive — all Mënsch schwätzt davun, mee wat ass en iwwerhaapt? De Joël an d*e Robin probeieren an dëser Episod, däer Fro op de Grond ze goen. Doriwwer hinaus erzielt d*e Robin vu senger Erfahrung mat Sex Drive op Bezuch op seng Asexualitéit, an de Joël deelt seng Gedanken zu sengem wiesselnde Sex Drive. Och philosophéieren déi zwee iwwer hir Bezéiung zu hirem Sex Drive.

An der Rubrik gëtt Kelly eng Introductioun zu Rimming.

#121: The One – Gëtt et déi éiwegt Léift?

Méi wéi Sex — Fri, 23 Jun 2023 13:00:00 +0000

Säit Joerhonnerte siche Leit net nëmmen no engem*enger Partner*in, mä no der éiweger Léift: Där Persoun, mat där alles perfekt ass, fir déi een*t bestëmmt ass. Eng Erzielung, déi mir net nëmmen aus Märercher kënnen, mä och aus Filmer, Serien an esouguer Reality-TV-Sendungen. An dëser Episode schwätzen de Joël an Kelly driwwer, wouhier déi Erzielung kënnt, wat se mat eis mécht a wat fir ee Bléck op Bezéiungen an Léift vläicht méi produktiv ass. Et geet ëm Rolltrapen, Gewässer, déi grouss gesellschaftlech Strukturen a perséinlech spirituell Froen. An an der Rubrik schwätzt den Elie iwwert Kreativitéit beim Masturbéieren. Shownotes: -„All about love“ vum bell hooks -„Zu Lieben. Lieben als politisches Handeln / Kapitalismus entlieben“ vum Lann Hornscheidt - Episod 57: Ech wëll eppes vun dir – mä wat? - Episod 110: Dump them? Wéini trennen ech mech (net)

#120: Dildo, Vibrator, Peitsch – Sextoys

Méi wéi Sex — Fri, 09 Jun 2023 13:00:00 +0000

Si si mëttlerweil iwwerall - an Drogerien, Krimskramsbutteker an heinsdo souguer Tankstellen Automaten: Sex Toys. Mee wat ass iwwerhaapt a Sex Toy? Wéi a firwat notze Mënsche Sex Toys? A wéi lageren Leit hir Sex Toys - Ausstellung an der Wunneng oder ganz déif hannen am Tirang? De Joël an d*e Robin ginn an dëser Episod op all dës Froen an, an diskutéieren och iwwer de Stigma, deen u Sex Toys haft a firwat munch Leit keng Sex Toys gebrauche (wëllen).

An der Rubrik schwätzt den Elie iwwer Sex an nei Technologien.

#119: Virfreed, Angscht a Roserei – Gefiller zur Pride

Méi wéi Sex — Fri, 26 May 2023 13:00:00 +0000

Geschwënn ass et esou wäit: Am Juni ass erëm Pride Month. Ee Mount laang fierwen Institutiounen a Firmen hir Logoen a Reeboufaarwen an et ginn iwwerall op der Welt Pride Parades. De Joël an d*e Robin hunn dat zum Ulass geholl, iwwert hier Gefiller zu dësem Mount an dësen Events ze schwätzen. An déi si komplex. Engersäits Virfreed op déi grouss Veranstaltungen, anerersäits Angscht virun ze vill Siichtbarkeet, déi och ëmmer erëm Haass a Gewalt ausléisst. An dann ass do och Roserei op Firmen, déi déi queer Community just als Marketing gesinn, ass och an dësem Gefillscocktail. Donieft geet et dorëms, wéi Prides méi inklusiv kéinte sinn, an u wat fir Membere vun der LGBTIQA-Community dacks net geduecht gëtt. An der Rubrik schwätzt d*e Robin iwwert Intergeschlechtlechkeet.

Shownotes Doku iwwert Marsha P. Johnson op Netflix: The Death and Life of Marsha P. Johnson Kuerzbiografie vum Marsha P. Johnson Stonewall riots Cooper Do-nuts Riot Compton's Cafeteria riot Artikel vum Joël iwwer Regenbogenkapitalismus an der woxx

#118: Reiwen, Lutschen, Heemelen – Sex ouni Penetratioun

Méi wéi Sex — Fri, 28 Apr 2023 13:00:00 +0000

Sex – fir vill Leit ass dat e Penis, deen an e Genital andréngt, sief et eng Vagina oder en Anus. De Joël an d*e Robin schwätzen an dëser Episod iwwer Sex ouni Penetratioun. Si probéieren, endlech déi grouss Fro "Wat ass amfong Sex?" ze beäntweren an zerstéieren dobäi net nëmmen niewebäi d Virspill, mee diskutéieren och méiglech Grënn fir verschidde Perspektive vun de Grenze vu Sex.

An der Rubrik thematiséiert den Elie d Thema "Sex a Cannabis".

#117: Vu Looks a Codes – queer Schéinheetsidealer

Méi wéi Sex — Fri, 14 Apr 2023 13:00:00 +0000

Wéi geseit een*t amfong queer aus? D'Lynn an d*e Robin schwätzen an dëser Episod iwwer queer Schéinheetsidealer: dës ënnerscheede sech vu Szene zu Szene. Sinn dës Schéinheetsidealer reng probleematesch? Wou kommen déi ganz Codes iwwerhaapt hir a firwat si se entstaan? Dëst a vill méi gëss du haut gewuer!

An der Rubrik gëtt Kelly en How To zum Thema Aftercare.

#116: Feier a Flam – iwwer Verléiftheet, Léift an änlech Gefiller

Méi wéi Sex — Fri, 31 Mar 2023 13:00:00 +0000

Wann alles kribbelt a s du Päiperleken am Bauch hues a just nach un eng Persoun denke kanns, bass du warscheinlech verléift. Mä wat ass den Ënnerscheed tëscht Verléift-sinn a Léift? An dëser Episod schwätzen de Joël an d*en Robin doriwwer, wéi sech béid Gefiller bei hinne bemierkbar maachen. Ausserdeem dréint d'Diskussioun ëm déi mysteriéis New Relationsship Energy, déi souwuel fir vill flott Momenter, mä och fir Problemer suerge kann.

#115: Tëscht Matfreeën a Jalousie – Dating a poly Bezéiungen

Méi wéi Sex — Fri, 17 Mar 2023 14:00:00 +0000

Wéi ass et, op een Date ze goen, wann een schon een oder méi Partner*innen huet? An polyamoréisen Bezéiungen ass net esou seelen. Mä dat heescht net, datt et einfach ass. Besonnesch bei där Persoun, déi net op dem Date ass, kann et zu negativen Gefiller wéi Jalousie kommen. Mä och de Géigendeel, Compersion – Matfreeën – ass méiglech. D*e Robin, den Elie an de Joël schwätzen an dëser Episod doriwwer, wéi dat mam Dating geet, wourobber een*t sollt oppassen a wéi een*t sech Reegelen mat senge Partner*innen ausmaache kann. An an der Rubrik erklärt Kelly, wéi een*t mat Libeskummer ëmgoe kann.

#114: Méi wéi Gebärmutterhalskriibs – HPV Témoignage

Méi wéi Sex — Fri, 03 Mar 2023 14:00:00 +0000

HPV – huet dat net eppes mat Gebärmutterhalskriibs ze dinn a geet dofir nëmme Mënsche mat Uterus eppes un? D'Äntwert ass ganz kloer nee! De Human Papilloma Virus ass e sexuell iwwerdrobare Virus, deen, onofhängeg vum Geschlecht, immens wäit verbreet ass. Dobäi si sech wéineg Leit bewosst, wéi eng Risiken eng HPV Infektioun mat sech bréngt, wéi e sech iwwerdréit a wéi een*t sech schütze kann. An dëser Episod schwätzt d*e Robin mamm Kim aus eiser Community: hat huet eng HPV Infektioun hannert sech, an erzielt eis vu sengen Erfarungen.

An der Rubrik erkläert den Elie, wat amfong en Urolog ass.

Shownotes: HPV Info LU Buch: Viva la Vagina! Infos iwwer HPV (op däitsch) Infos iwwer HPV (op franséich) HPV Impfung zu Lëtzebuerg

#113: Costum, Minijupe oder Hoodie? – sexy Kleedung

Méi wéi Sex — Fri, 17 Feb 2023 14:00:00 +0000

Bal jiddereen*t huet sexy Kleedung am Schaf - wann een déi awer matenee vergläicht, fënnt een*t net onbedéngt ganz vill Gemeinsamkeeten. D Meenungen doriwwer, wat sexy Kleedung (oder wat amfong sexy) ass, sinn sou divers wéi d Leit déi sech dës Fro stellen! De Joël an d*e Robin diskutéieren haut ebe grad dës Differenzen, mee och wee sech iwwerhaapt sexy präsentéieren däerf a wéi staark deen eegene Bléck op sech selwer vum Bléck vun aneren ofwäiche kann.

An der Rubrik erkläert Kelly wéi een*t am beschten seng Broscht oftaascht a wourop een*t oppasse sollt.

Shownotes D'Episod #66 iwwer Ënnerwäsch ass hei ze fannen. An der Episod erwäne mer e Museksvideo vum Sam Smith an en Artikel iwwer d Erfarunge vu net binäre Models. Hei sinn d Links: Vogue : Just People, Just Clothes: Four Queer and Non-Binary Models on Walking the Runway Today Sam Smith - I'm not here to make friends

#112: Kontaktpausen, Parkgespréicher an de leschte Sex – Wei kann een*t sech trennen?

Méi wéi Sex — Fri, 03 Feb 2023 14:00:00 +0000

Schlussmaache per SMS? Oder léiwer ee laangt Gespréich an nach eng leschte Kéier Sex mateneen hunn? Wéi sech eng Koppel trennt, hänkt ganz vun den Ëmstänn of. Et ginn awer genuch Grënn, sech Gedanken driwwer ze maachen, wéi dee schwierege Moment gestalt sollt ginn. Nodeems Kelly an de Joël schonn driwwer geschwat hunn, wéini een*t sech trenne sollt, geet et dës Kéier doriwwer, wéi dat geet. Si schwätzen doriwwer, wéi een*t eng gutt Plaz dofir fënnt, wat an engem Trennungsgespréich alles sollt gesot ginn an ob eng Kontaktpaus no der Trennung sënnvoll ass.

An der Rubrik gëtt den Elie Tipps, wéi een*t een gudden Ally fir trans Persounen ka sinn.

Shownotes: Eis éischt Episod iwwer Trenungen: #110 Dump them? Wéini trennen ech mech (net) Eis Episod iwwer Frëndschaft no Trennung Buch: „Come as you are“ vum Emily Nagoski Podcast: Breaking Up, Getting Back Together, and Everything in Between

Ulafplatzen fir gewaltvoll Bezéiungen

Femmes en détresse
VISAVI: Informatioun a Berodung fir Fraen, déi vu Gewalt duerch Partner*in betraff sinn
LOG-iN: Berodung fir Fraen, déi an enger Noutsituatioun sinn oder vu Gewalt betraff
weider Ulafstellen fannt der héi: https://cid-fg.lu/en/news/liste-mit-anlaufstellen-fuer-opfer-und-taeterinnen-haeuslicher-gewalt/

#111: Méi wéi just eng Zuel – Altersënnerscheeder a Bezéiungen

Méi wéi Sex — Fri, 20 Jan 2023 14:00:00 +0000

Wat huet de Leonardo Di Caprio mat Équatiounen ze dinn? De Joël, d'Lynn an d*e Robin diskutéieren an dëser Episod iwwer hir Erfarungen mat Age Gaps. Wat hunn Age Gaps mat Queerness ze dinn, wat sinn d Risiken vun Age Gaps a wéi kann een*t mat dëse Risiken ëmgoen a sech selwer an aner Leit schützen?

#110: Dump them? Wéini trennen ech mech (net)

Méi wéi Sex — Fri, 06 Jan 2023 13:13:27 +0000

An dëser Folge beschwätzen de Joël an Kelly wéini een sech trennen sollt, wéini een net Schlussmachen sollt - an alles do datescht. Et geet em Kodépendenz, Zukunftsvirstellungen, Sech-net-méi-richen-kennen, Bindungsmusteren an nach vill méi.

Liesetipps - “Polysecure” vum Jessica Fern (Sëcher Bezéiungen zu Aaneren an zu sech Selwer opbauen) - “Attached” (Bindungstheorie, Bindungtypen, Bindungsmusteren) - “In the dream house” vum Carmen Maria Machado (Roman iwwert eng absuiv Bezéiung)

Ulafplatzen fir gewaltvoll Bezéiungen - Femmes en détresse - VISAVI: Informatioun a Berodung fir Fraen, déi vu Gewalt duerch Partner*in betraff sinn - LOG-iN: Berodung fir Fraen, déi an enger Noutsituatioun sinn oder vu Gewalt betraff - weider Ulafstellen fannt der héi: https://cid-fg.lu/en/news/liste-mit-anlaufstellen-fuer-opfer-und-taeterinnen-haeuslicher-gewalt/

#109: Wann et einfach net geet – Vaginismus

Méi wéi Sex — Fri, 16 Dec 2022 14:00:00 +0000

Content Note: An dëser Episod ginn Trauma an Erfarunge mat sexueller Gewalt ugeschwat. Wann s du Probleemer mat dësen Themen hues, da lauschter dës Episod w.g.l. net eleng.

Vaginismus – vill Leit wäerten nach ni eppes dovun héieren hunn. Dobäi si vill méi Leit vu Vaginismus betraff, wéi een*t denkt, an si sinn oft mat ville Virurteeler an Onverständnis konfrontéiert. Eis Illustratorin Lynn huet Vaginismus, a schwätzt an dëser Episod mam Robin doriwwer, wat fir en Afloss dës Konditioun op seng Bezéiungen a säi Liewen huet.

An der Rubrik kläert d'Kelly doriwwer op, wéi een*t am beschte mat Jugendlecher iwwer Sex schwätzt.

Hei kanns du Hëllef zu Lëtzebuerg fannen, wann s du vu Vaginismus betraff bass: profamilia.lu sexpert.lu physiopelvic.lu planning familial

#108: Ech si Schalter, an du? – Top/Switch/Bottom

Méi wéi Sex — Fri, 02 Dec 2022 14:00:00 +0000

Bottom, top, up, down, charm oder strange? Wat huet Quantephysik mat Sex ze dinn? A wat ass eigentlech den Ënnerscheed tëscht Top/Switch/Bottom an Dom/Switch/Sub? Haut geet et ëm genau dës Kategoriséierungen a wat eent amfong mat deenen ufänke kann. De Joël an de Robin schwätzen ausserdeem iwwer typesch Virurteeler a laachen iwwer Autoswäschen.

An der Rubrik kläert den Elie iwwer gender affirming care op.

#107: Vu Superhelden a Liebesgeschichten – Aromantik

Méi wéi Sex — Fri, 18 Nov 2022 14:00:00 +0000

Wat hu Superhelden mat Verléiftheet ze dinn? Dëst a nach vill méi verzielt eis d Beatà aus eiser Community. Hat ass aromantesch an asexuell a gëtt eis en Abléck a säi Liewen.

Kelly schwätzt an der Rubrik iwwer nëtzlech Life Hacks an Selfcare Strategien ronderëm Menstruatioun

#106: Nom Sex ass virum Sex – Kommunikatioun virum, während a nom Sex

Méi wéi Sex — Fri, 04 Nov 2022 14:00:00 +0000

Just go with the flow – oder awer besser virbeschwätzen, wat geschéie soll? Doriwwer diskutéieren de Joël an d*e Robin an dëser Episod. An deene nächsten 48 Minutten gëss du gewuer, wat si gäre virum Sex ofklären, firwat Sex och philosophesch si kann an dass nom Sex virum Sex ass.

Rubrik vum Kelly: How To: Kommunikatioun mat Sexpartner*innen

#105: Vu Krauselen, Häerzer an horegen Hënnere – Intimfrisuren

Méi wéi Sex — Fri, 21 Oct 2022 13:11:59 +0000

Raséiert, eng witzeg Form, getrimmt oder einfach wëll wuesse gelooss? Et gi vill Méiglechkeeten, fir mat intimen Hoer ëmzegoen. Mä wat fir Hoer sinn eigentlech intim, a wisou friséiere mir se? Och beim Oralsex mécht dat alles een Ënnerscheed. Kelly an de Joël schwätzen haut doriwwer – an iwwert d'Vir- a Nodeeler vun de verschiddene Méiglechkeeten.

Kelly schwätzt an der Rubrik iwwer 5 ënnerschiddlech Aart a Weise fir mat Sexpartner:innen (non-verbal) iwwer Sexualitéit ze kommunizéieren: Weisen, Schreiwen, Spillen, Fillen, Kucken.

Shownotes: Instagram vum Alok Vmenon Artikelen zur Geschicht vun Intimfrisuren: Cultural history of pubic hair Evolution of Pubic Hair…. Removal

Beispiller zur Want/Will/Won't-Lescht: https://sexted.org/faq/wantwillwont-lists/ oder https://www.scarleteen.com/article/advice/yes_no_maybe_so_a_sexual_inventory_stocklist

#104: Sex verschäissen – Sex an der Jugend

Méi wéi Sex — Fri, 07 Oct 2022 13:00:00 +0000

Aller Anfang ist schwer! Vill Leit hunn eng ambivalent Astellung zu hire sexuellen Erfarungen an hirer Jugend, an domat si si net eleng . Vu dass et dem Kelly an dem Robin änlech geet, schwätze si an dëser Episod iwwer hir eegen Erfarungen mat Jugendsexualitéit, a wourun et leie kéint, dass vill Leit vill schlechte Sex an hirer Jugend haten. Donieft diskutéieren si och, wéi sech dës Erfarungen op dat spéidert Liewen auswierke kënnen, wéi et iergendwann besser gi kann an ginn op d Roll vun der Schoul an Educatioun an.

An der Rubrik schwätzt den Elie iwwer Unzéiung a Bezéiungen.

#103: Verschidde Vibes a Vibratoren – Sexshops

Méi wéi Sex — Fri, 23 Sep 2022 13:00:00 +0000

Déi fënneft Staffel ass do! A mat hir eng nei Persoun an eisem Team: no 4 Staffelen mamm Mila hu mir lo eng néi Illustratorin: d'Lynn! Zu fënnef schwätze mir iwwer eis Erfarunge mat an a Sexshops, wat fir eis e gudde Sexshop ausmëscht a wat mir do am léifste kafen. An der Rubrik schwätzt Kelly iwwer Mythen zum Thema "Fiicht ginn".

Hei ass eis Selectioun vu queerfeministesche Sexshops am däitschsproochege Raum: DÄITSCHLAND Berlin: other nature Berlin: sexclusivitäten Hamburg: Fuck Yeah Leipzig: Juicy Leipzig: Vögelei Freiburg: Erogene Zone München: Consent Calling SCHWÄIZ Zürich: untamed.love

An hei sinne puer Online Shops, déi mir gäer hunn: Peachy Vibes Noxshop unbound babes wildflower sex

#102: Community – mam Publikum um sexpositiven Event

Méi wéi Sex — Mon, 18 Jul 2022 06:30:50 +0000

Fir d'Staffelfinale vun der 4. Staffel hate mer déi besonnesch Freed mat Publikum dierfen opzehuelen – an zwar um sexpositiven Dag! Een Dag voller Workshops, Gespréicher, Snacks, Beréierungen a Begéinungen. Dofir hunn mer natierlech an dëser Opnam iwwer 💫 Community 💫 geschwat.

Mir froen eis (an iech): Wei kann eent zu Lëtzebuerg sexpositiv, feministesch a queer Communities opbauen? Wei kritt eent Léit zesummen? Wéi kann eent z.B. Events organiséieren (wou eent kann zesumme léieren, entdecken, sech austauschen, sech vernetzen)? Wei eng Eventer a Raim brauche mir? Firwat gëtt et kee queer(feministesch)en Café? Wat fir Communities gëtt et a brauch et?

An och zu der politescher Aktualitéit hu mir geschwat: Wei kenne mer mat der Realitéit ëmgoen, zesumme Kämpfen an zesummen Utopien entwéckelen? Wei kenne mer eis Kämpf esou gestalten dat mer net nëmme reagéiere, mä och proaktiv agéieren?

#101: Mai Kierper seet jo, mai Kapp seet nee – vu Sexualiteit an mentaler Gesondheet

Méi wéi Sex — Fri, 01 Jul 2022 13:00:00 +0000

Mental Health ass stigmatiséiert, Sexualitéit och. Wann d' Sexualitéit dann och nach vun der mentaler Gesondheet beaflosst gëtt, ass d' Kommunikatioun duebel erschwéiert. Den Elie an d*e Robin probéieren an dëser Episod mat dëse Stigmen ze briechen a schwätzen doriwwer, wéi déi mental Gesondheet d'Sexualitéit an déi sexuell Gesondheet beaflosse kann - an ëmgedréint.

An der Rubrik "Sexmythos" schwätzt Kelly iwwer d'Geschicht(en) vun de Vibratoren.

Content Note: An dëser Episod ginn Depressiounen, Trauma, Panik an Iessstéierungen ugeschwat. Wann s du Probleemer mat dësen Themen hues, da lauschter dës Episod w.g.l. net eleng.

Hei fënns du Hëllef: Centre LGBTQ+ Cigale Planning Familial Pro Familia SOS Détresse Kanner-Jugendtelefon

#100: Fir déi honnerste Kéier – Iwwer Sex schwätzen

Méi wéi Sex — Fri, 17 Jun 2022 13:36:16 +0000

Wow, schonn 100 Episoden! De Joël, d*e Robin a Kelly huelen dat zum Ulass, fir emol bëssen driwwer ze schwätzen, wéi dat esou ass, an engem Podcast an um Radio iwwer Sex ze schwätzen. Nieft der Fro vun der Anonymitéit vun eise Sexpartner*innen a Fanfiction-Fantasië geet et awer och dorëms, mat wiem et méi einfach oder manner einfach ass, iwwer Sexualitéit a Gefiller ze schwätzen. Mir kucken eis awer och un, wéi eis Gesellschaft iwwert Sex schwätzt, ginn Tipps wéi ee méi einfach mat Frënd*innen esou ee Gespréich ufänkt a philosophéieren iwwert Ziler vum Podcast. An der Rubrik erkläert den Elie, wat Konsens mat Fritten ze dinn huet. Wien war wéi dacks am Podcast ze heiren bis elo? Kelly: 46 Tessie: 36 Joël: 36 Anne S.: 30 Anne K.: 15 Elie: 10 Robin: 5 Mateiu: 2 Mirka: 1 D'Zuele sinn vun denen Leit, déi am Team sinn oder waren bis d'Episod 99 mat a stëmmen, wann de Joël richteg gezielt huet. Klickt hei fir méi iwwert den Event den 25.6. gewuer ze ginn!

#99: Vu Pandabieren an Skin Hunger – Beréierungen a professionellt Kuschelen

Méi wéi Sex — Fri, 03 Jun 2022 13:00:00 +0000

Beréierungen am Alldag si wichteg. Dat hunn déi meescht vun eis spéitstens am éischte Lockdown geléiert, wou ob de Phänomen vum "Skin Hunger" fir vill vun eis spierbar ginn ass. Mä net nëmme Beréierungen, och Kuschelen, Kraulen oder Heemele si wichteg fir eist Wuelbefannen. An dëser Episod schwätzt de Joël mam Elisa doriwwer. D'Elisa kuschelt net nëmme gären, hat ass och professionell Kuschlerin. Nieft der Fro, wat Pandabieren a Bonoboe mat Kuschelen ze dinn hunn, erkläert d'Elisa eis och, wéi hat zu dësem aussergewéinleche Beruff komm ass. Een éischten Abléck an de Workshop, deen hat am Kader vun eisem End of Season-Event gëtt, kréie mir och schonn. An an der Rubrik kläert d'Kelly eis iwwer thermesch Verhütung op.

Mëllt Iech un fir eisen End of Season-Event de 25. Juni 2022 zu Esch! Ënnert dësem Link fannt dir all d'Informatiounen. Maacht Iech bäi, d'Plaze si begrenzt! Shownotes D'Websäit vun der Kuschelkiste D'Kuschelkiste op Facebook D'Elisa op Facebook

#98: Méi wéi Léift a Partnerschaft – Opklärung am Radio fréier an haut

Méi wéi Sex — Fri, 20 May 2022 13:00:00 +0000

Et gouf zu Lëtzebuerg schonn ee Sexpodcast, do gouf et nach guer keng Podcasts. Riets ass vun de Radiossendunge vun der Marie-Paule Molitor-Peffer. Si huet op RTL Opklärung bedriwwen, an dat op eng Manéier, déi méi progressiv war, wéi een*t sech dat mol direkt géif virstellen. Fir eis ze zielen, wéi Opklärung am Radio an den 1980er Jore geklongen huet, ass eis Liblingshistorikerin a fréier Moderatorin Anne als Special Guest zeréck. Hat huet nämlech seng Masteraarbecht iwwert déi spannend Gynekologin an hier Tabubrëch op Antenn geschriwwen. Zesumme mam Joël schwätzt hat doriwwer, wat mir haut nach kënne vun der Madamm Molitor-Peffer léieren.

Shownotes Biografie vun der Marie-Paule Molitor-Peffer bei fraendag.lu Artikelen vun der Marie-Paule Molitor-Peffer am Forum Artikel vum Anne iwwert Marie-Paule Molitor-Peffer bei Journal.lu (Paywall) Event Den 25. Juni ass eist End of Season Event zu Esch. Ënnert dësem Link fannt dir all d'Detailer dozou.

#97: Tëschen Thirst Trap, Sexvideoen a Bauch eranzéie – Selbstduerstellung a Sex

Méi wéi Sex — Tue, 10 May 2022 15:22:14 +0000

Wat ass eist Bild vun eis selwer, wa mir Sex hunn? Wéi verännere Fotoen a Videoe – vun eis, a vun anere – eist Selbstbild a Selbstwäertgefill? A wéi fillt et sech un, ee Sexvideo ze maachen? De Joël an Kelly ginn dëse Froen no an diskutéieren iwwert d'Vir- a Nodeeler vu Selfien, iwwer Thirst Traps, den Drang an de Bauch eranzezéien an awer och doriwwer, wat een*t ka maachen, fir sech beim Sex méi sexy a flott ze fillen.

Shownotes: Bee Secure Episod iwwer Ënnerwäsch Episod iwwer Geroch Episod iwwer Sexting Mini-Serie vun Arte iwwert Sex-Biller bei Filmer a Serien

#96: D’Jalousien erop maachen – een gesonden Ëmgang mat Eifersucht

Méi wéi Sex — Fri, 22 Apr 2022 13:00:00 +0000

Wéi geet een am beschte mat senger eegener Jalousie ëm? An wat ass, wann d*e Partner*in jalous gëtt? De Joël an d*e Robin beschwätzen an dëser Episod, wéi sech e gesonden Ëmgang mat deem Gefill fanne léisst. An der Rubrik schwätzt den Elie iwwer dem Rihanna seng Schwangerschaft an dee politesche Statement, deen hat mat sengem Ëmgang domat setzt.

An der Episod erwähnen de Joël an d*e Robin verschidde Bicher, déi sech mamm Thema Jalousie ausenaanersetzen: - Fern, Jessica : Polysecure: Attachment, Trauma and Consensual Nonmonogamy - Easton, Dossie & Hardy, Janet : The Ethical Slut - Rickert, Eve & Veaux, Franklin : More Than Two

Dës Weideren ginn et vill Blogs, déi sech am Kader vun Net-Monogamie mamm Thema Jalousie beschäftegen: https://affirmativecouch.com/managing-jealousy-in-a-polyamorous-relationship/ http://crimethinc.blogsport.de/2011/03/18/nicht-monogame-beziehungen/ https://www.readyforpolyamory.com/post/jealousy-and-hierarchy https://www.readyforpolyamory.com/post/but-don-t-you-get-jealous

#95: Nohaltegkeet – Bezéiungen kultivéieren

Méi wéi Sex — Fri, 08 Apr 2022 11:04:26 +0000

Wat sinn „nohalteg Bezéiungen“? Kann een sech nohalteg Trennen? Wat ass den Ënnerscheed (oder och net) tëscht green dating, mindful dating an slow dating? Dëst beschwätzen Kelly an d’Selma an dëser Episode - lauschtert eran fir vill flott gardening Metapheren a fun facts. Dei läscht 10 Minutte gëtt et eng klengen Exkurs iwwert d’ökosexuellt Manifest an iwwer fairen/etheschen Porno. An der Rubrik schwätz Robin iwwer TERFs. Dat heiten ass en Joint Venture (Zesummenaarbecht) mat Podcast „Büro für Nachhaltigkeit", dofir gëtt et och do eng Folge zu Nohaltegkeet an Sex („Green Sex“) - lauschtert eran: https://das-buero-fuer-nachhaltigkeit.podigee.io/ Quellen • Mir ernimmen kuerz di queerfeministesch Film-Veranstaltungsreih „queer loox“: https://queerloox.lu/ • fair porn op der Konferenz „Re:publica“ (z.B. Artikel am Standard https://www.derstandard.at/story/2000015425324/aktivisten-fordern-aus-fuer-gratisporno-und-fair-porn-guetesiegel) • PorYes - Feminist Porn Award: https://www.poryes.de/ Zu der Rubrik: Platzen fir Berodung an Hëllef wieren z.B. d’CIGALE (https://cigale.lu/), den ITGL (https://itgl.lu) an SOS Détresse (https://454545.lu/)

#94: E Lauter Steng am Wee – Trans* sinn zu Lëtzebuerg

Méi wéi Sex — Fri, 25 Mar 2022 14:30:00 +0000

Lëtzebuerg geseit sech selwer gäer als ganz fortschrëttlech a punkto queer rights. Tatsächlech ass déi lëtzeboiesch Legislatioun net schlecht, an och laut ILGA ass Lëtzebuerg ganz gutt mat dabei. Dobäi ginn et och hei am Land vill Probleemer fir queer Mënschen, an trans* Leit gehéieren zu deene vulnerabelsten. D*e Robin huet mat senge Gäscht Miles an Tony iwwer hir Perspektiv an Erliefnisser als jonk trans* Männer zu Lëtzebuerg geschwat.

Uspriechsplazen fir trans* Mënschen: Centre LGBTIQ+ Cigale Rosa Lëtzebuerg Intersex Transgender Lëtzebuerg

#93: Feelt do net eppes? – Beschnidde Penissen

Méi wéi Sex — Fri, 11 Mar 2022 18:57:35 +0000

Medizinesch, kulturell oder reliéis – et ginn vill Grënn, wisou een Penis beschnidde ka sinn. Ass een*t mat engem beschniddenen Penis méi oder manner sensibel an kënnt een*t méi oder manner fréi zum Orgasmus? De Joël an den Elie schwätzen an dëser Episod doriwwer, wat et heescht, beschnidden ze sinn an wéi si domadder eenz ginn, datt hinnen Virhaut feelt. Ausserdem ginn si der Fro no, wat mam Jesus senger Virhaut passéiert ass a wéi een sech am beschten (net) selwer beschneit. Passend zum Thema schwätzt Kelly an der Rubrik doriwwer, wat eigentlech normal Genitalien solle sinn.

Schema, wou déi verschidde Forme vu Beschneidung duergestallt sinn. Den ausféierlechen Wikipedia-Artikel zum Thema.

#92: Méi wéi eng Banan an ee Kondom – Sex Education zu Lëtzebuerg

Méi wéi Sex — Fri, 25 Feb 2022 14:00:00 +0000

Den 10.07.2020 huet an de Rotondes d'Ofschlossevent vun der zweeter Staffel vum Podcast stattfonnt. Do konnt ee net nëmmen seng perséinlech Définitioun vu Sex mat de Leit deelen, mee och e Froebou zur eegener Sexualerzéiung an der Schoul ausfëllen a souguer en Orgasmus molen.

D'Anne an d*e Robin schwätzen an dëser Episod iwwer deen Event a ginn en Iwwerbléck iwwer d'Resultater. Och kommen d'Enji, d'Rachel an d'Jessie zu Wuert, déi den Event als Deel vun engem groussen Team matorganiséiert hunn.

Wéi geseit d'Sex Education zu Lëtzebuerg amfong aus, a wat misst sech verbesseren?

Den Elie beschäftegt sech an der Rubrik mat der Fro, wéi een*t e Foussfetesch auslieft.

Hei fënns du Servicer, déi um Thema Sex Education schaffen an Informatiounen: - Planning Familial: http://www.pfl.lu/fr/Formation-et-information-affective-et-sexuelle - Centre LGBTIQ+ Cigale: https://www.cigale.lu/ - Rosa Lëtzebuerg: https://rosaletzebuerg.lu/ - Broschür "let's talk about sex": https://sante.public.lu/fr/publications/g/guide-sante-sexuelle-ltas2020-fr-de-en/index.html - Cesas: https://www.cesas.lu/de/

#91: Gender ass e Spektrum – Non-binary

Méi wéi Sex — Fri, 11 Feb 2022 14:00:00 +0000

"Non-binary" - en Term, deen ëmmer méi oft an der Gesellschaft opkënnt, ënnert anerem well ëmmer méi ëffentlech Perséinlechkeeten sech sou identifizéieren. Mee wat ass Net-Binaritéit amfong? Wéieen Ëmgang wënsche sech net-binär Mënschen vun der Gesellschaft? A wéi gesinn hir Liewensrealitéiten aus? Doriwwer schwätzen de Joël an d*e Robin an dëser Episod. An der Rubrik erkläert d'Kelly, wat Binding ass a wéi een*t een Binder richteg benotzt.

Berodungsstellen fir queer Mënschen: Centre LGBTIQ+ Cigale: https://www.cigale.lu/?lang=en Intersex & Transgender Luxembourg a.s.b.l.: http://itgl.lu/

Guide zum Binding: https://translifeline.org/binding-guide/

#90: GefillsGespréicher: Iwwer schwiereg Gefiller an enke Bezéiunge schwätzen

Méi wéi Sex — Fri, 28 Jan 2022 14:00:00 +0000

Inhalt vun der Episode 90:

Ängschten, Roserei, Trauregkeet, Enttäuschung, Jalousie oder och eng onbestëmmt Zopp aus ënnerschiddleche Gefiller: Mir hunn se all. De Joël a Kelly diskutéieren doriwwer, wei ee mat Bezéiungspersoune kann iwwer schwiereg Gefiller schwätzen.

Mir froen eis: Wat ass de richtege Moment, fir e Gespréich anzeleeden? Wéi kann ech iwwer meng eege Gefiller nodenken an se uschwätzen? Wei ginn ech gutt domat ëm, wann aner Persounen iwwer schwiereg Gefiller schwätzen? An wat fir Gefiller sinn iwwerhaapt schwiereg? Dat héiert der an dëser Episode.

An der Rubrik schwätzen den Elie iwwer Foussfetischer.

Zu Kommunikatioun an Änlechem: - Gewaltfreie Kommunikation - Bindungstheorie und Bindungstypen - Konflikttypen (Selbstcheck)

Rubrik: - Emgang mat schwieregen Gefiller

#89: Vun Dieren, déi opginn – Neiufäng

Méi wéi Sex — Fri, 14 Jan 2022 14:00:00 +0000

Mir sinn erëm do, an et ass ganz vill nei bei eis: Een neit Joer, eng nei Staffel, eng nei Stëmm! Passend dozou schwätze mir iwwer Neiufäng. Wat heescht et, eng nei Bezéiung, sief se frëndschaftlech, sexuell oder romantesch, anzegoen? De Joël, d'Kelly an d*e Robin diskutéieren doriwwer, schwätzen iwwer déi magesch New Relationship Energy an denken doriwwer no, op een neit Kachbuch een klengen oder groussen Neiufank ass. An der Rubrik schwätzt Kelly iwwer Tipps zu Sex mat enger neier Persoun – virum, wärend an nom Sex.

Episoden a Rubriken, iwwert déi mir geschwat hunn: #76 Trauer – Jiddereen:t dierf säin eegene Wee goen Eng gutt Fro – Wéi ginn ech mat enger Trennung ëm?

#88: Ouergasmus live – Staffelfinal

Méi wéi Sex — Sun, 18 Jul 2021 15:02:50 +0000

Et ass souwäit. D’Staffelfinal, déi mir live mat Publikum op eisem Event de 26. Juni opgeholl hunn, ass elo online. Et gëtt e Bilan vum vergaangene Joer gezunn, vill gelaacht a bal gekrasch. Mir hätte gär och iwwer d’Zukunft geschwat, mä déi kenne mir leider selwer nach net. Soubal mir méi wëssen, soe mer iech Bescheed. An Tëschenzäit wënsche mir iech vill Spaass mat dëser extended version, an där net just d’Moderatiounsteam ze héieren ass, mä och eis wonnerbaart Michèle. Op senger éischter Illustratioun fir déi drëtt Staffel hu Genitalien dierfen Auto fueren. Lo schéckt d’Michèle si gemeinsam an d’Vakanz. Mir drécken hatt ganz fest a senden och all deenen en virtuellen Hug, déi beim "Ouergasmus Live" dobäi waren, gehollef, gelauschtert a gekickelt hunn. Deenen, déi se noträglech lauschteren natierlech och.

#87: Ende gut, alles gut? – Vu Schlussstrécher an aneren Enner

Méi wéi Sex — Sat, 10 Jul 2021 07:03:46 +0000

An der 87. Folleg schwätzen de Joël an d‘Anne iwwer Schlussstrécher an aaner Enner. Wéi schléisst een:t säin Dag sënnvoll of? Firwat ass et gesond, heiansdo mat sech selwer respektiv bestëmmte Verhalensweise Schluss ze maachen? An wéi kann een:t Sex schéin ofronne? Dorobber sichen déi zwee Äntwerten.

#86: Ech kann dech gutt riche – Wéi Geroch eis Sexualitéit a Gefiller beaflosst

Méi wéi Sex — Fri, 18 Jun 2021 13:00:00 +0000

Schweess, Duschgel, Intimberäich, Hoer, d‘Bomi – alles huet säin eegenen, spezielle Geroch. Dëse Sënn ass immens staark mat Gefiller an Erënnerunge verknäppt. Dat mierkt een*t spéitstens dann, dann et no der Trennung iwwerall nom Wäschmëttel vun der Ex richt oder een*t sech beim Aschmiere mat Sonnecrème un d‘Vakanz erënnert. D‘Kelly an de Joël schwätzen an dëser Episod iwwert Schweess, iwwert Deo, den Geroch vun Intimorganer an iwwert d‘Fro, wat et eigentlech mat deem Sex-Geroch, deen een*t ëmmer eréischt nom Akt bemierkt, op sech huet. An der Rubrik geet d‘Kelly eng zweete Kéier op Sexaarbecht an.

Wann iech d‘Thema Schweessen méi interesséiert, lauschtert eis Episod dozou.

#85: Klassismus – de Mythos vum sozialen Opstig an Ofstig

Méi wéi Sex — Fri, 04 Jun 2021 13:00:00 +0000

Wat huet Klassismus mat Sproochen, Stereotyppen an Sexy-ness ze sinn? Wéi beaflossen Klassenverhältnisser eis Kierperen, Bezéiungen an Dating? Kelly an Gabi schwätzen iwwer Definitiounen vu Klassismus, dem Mythos vum sougenannten sozialen Opstig, hier eegen Positiounen a Strategien géint klassistesch Diskriminéierungen an Strukturen.

Quellen

(op Däitsch) - bell hooks. Die Bedeutung von Klasse: Warum die Verhältnisse nicht auf Rassismus und Sexismus zu reduzieren sind (2020) - Betina Aumair & Brigitte Theißl (Hg.). Klassenreise: Wie die soziale Herkunft unser Leben prägt (2020) - Francis Seeck & Brigitte Theißl (Hg.). Soldarisch gegen Klassismus: organisieren, intervenieren, umverteilen (2020)

(op Franséisch) - Édouard Louis. Qui a tué mon père (2018) - Édouard Louis. En finir avec Eddy Bellegueule (2014) - Podcast: Les couilles sur la table - Cours particulier avec Didier Eribon (1/2) https://www.binge.audio/podcast/les-couilles-sur-la-table/cours-particulier-avec-didier-eribon-premiere-partie (2/2) https://www.binge.audio/podcast/les-couilles-sur-la-table/cours-particulier-avec-didier-eribon-deuxieme-partie

#84: Lies de nach oder fummels de schonn? – Sex(ualitéit) a Medien

Méi wéi Sex — Fri, 21 May 2021 13:02:00 +0000

An dëser Folleg kuckt d’Team vu Méi wéi Sex, wat sech an der Mediewelt gedoen huet, säit de Joël déi éischt "Fraenzäitschrëft" am Grapp hat an d’Anne Nackedeien an der Bravo studéiert huet. Wéini gëtt vum wiem op wéi eng Aart a Weis a lëtzebuergescher Zeitungen, um Radio, a Podcasten an op der Telée iwwer Sex(ualitéit) geschwat? Doriwwer diskutéieren déi zwee an der 84. Episod. An der Rubrik schwätzt Kelly iwwer Sexaarbecht.

#83: Méi wéi Solosex?!

Méi wéi Sex — Fri, 07 May 2021 14:54:00 +0000

Firwat, mat wat a wéi kann ee Sex mat sech selwer hunn (also Solosex, Selbstbefriddegung, Masturbatioun)? Wat huet Solosex mat Stress ze dinn? An déi wichtegst (oder villäicht och nëmmen déi witzegst) Fro: Wat ass ee “Pandemiewichser”? Dëst a villes Weideres gëss du an dësem Gespréich vum Joel a Kelly gewuer. An der Rubrik schwätzt den Elie iwwer Testosterone.

#82: Wéi aus dem Kierperbillerbuch – Sport & LGBTQI+

Méi wéi Sex — Fri, 23 Apr 2021 10:17:00 +0000

Passt e Reebou an eng Sportshal? Wéi kann ee Schoulsport méi inklusiv gestalten a wat geschitt, wa Léierpersonal d’Schüler:innen no hirer Meenung freet? Dës Froen huet d’Anne mat de wibbelegen an engagéierte Proffe Sybille a Mandy (iron sparks crossfit) diskutéiert.

#81: Kleng a grouss gemeinsam Nenner – interkulturell Bezéiungen

Méi wéi Sex — Fri, 09 Apr 2021 12:57:54 +0000

Aner Gewunnechten, friem Astellunge – an trotzdeem eng Bezéiung? Mir schwätzen dës Kéier iwwer interkulturell Bezéiungen. No engem klengem Exkurs iwwert de Kultur-Begrëff schwätzen d‘Anne an de Joël iwwert verschidde Kulturen am Bezuch op Iessen, Schaffen, Léieren an Diskutéieren. Ausserdeem beäntwerten si déi brennend Fro, wéi wichteg et ass, de selwechten Humor wéi seng Sexpartner*innen ze hunn.

#80: Outtaspace Loverboy – Den Edsun am Gespréich

Méi wéi Sex — Fri, 26 Mar 2021 13:54:00 +0000

Hien ass net nëmmen en danzende Sänger a e sangenden Dänzer. Den Edsun ass e kreative Mënsch, deen seng Gedanken op eng spannend Aart a Weis a senger ganz eegener Konscht ëmsetzt a sengem Public doduerch vill Kraaft weidervermëttelt. Mir hu mat him iwwer Kultur am Zesummenhang mat sexuellen Identitéiten, Empowerment a Kritikfäegkeet geschwat. An der Rubrik geet den Elie op sexuell Fantasien an.

#79: Keepin’ it Casual – Casual Sex

Méi wéi Sex — Fri, 12 Mar 2021 14:00:00 +0000

Wat ass Casual Sex? Ass et nach “casual” wann (mindestens) een sech verléift? Mat wiem huet een casual sex - an wéi léiert een sech kennen? Wéi fillt sech de Sex un? An wéi kann een gutt op sech oppassen? Dat beschwätzen Kelly an de Joël.

#78: Zesumme wuesse – Laangzäitbezéiungen zanter dem Lycée

Méi wéi Sex — Fri, 26 Feb 2021 14:12:14 +0000

Et gi Bezéiungen, déi hale just eng Vakanz oder een Summer – an anerer schonn zanter dem Lycée. Wéi ass d’Liewen als Koppel, wann een*t scho sou laang zesummen ass? D’Liz an d’Geraldine zielen dem Joël, wéi si an hiren jeeweilege Bezéiungen geléiert hunn, mat Konflikter ëmzegoen an wéi (on)komplizéiert d’Relatioun zur Famill vun dem*der Partner*in si kann. Nieft der Fro, ob een iergendwann just nach eng Persoun ass, schwätze mir natierlech och doriwwer, wéi sech d’Sexliewen verännert – a wéi et opreegend bléiwe kann. An an der Rubrik schwätzt Kelly iwwer „How to: Safe(r) Sexting”.

Websaiten & Quellen zu Safer Sexting

www.bee-secure.lu (op Daitsch oder op Franséisch)
www.saferinternet.at (op Daitsch)
Guide vun saferinternet: https://www.saferinternet.at/fileadmin/categorized/Materialien/Leitfaden_Aktiv_gegen_Nacktaufnahmen.pdf
Safe(r) Cyber Sex Guide: http://barbararothmueller.net/SaferCybersexGuide.pdf
Coolen Artikel: https://anschlaege.at/digitale-naehe/

Psychologesch Hëllef bei Cyber Mobbing

BEE SECURE Helpline (8002 1234)
Kanner-Jugendtelefon (11 6 111) https://www.kjt.lu/de/
Elterentelefon (26 64 05 55) https://www.kjt.lu/de/erwachsene

#77: Krampf, Kampf, Kloertext – Weiblechkeet(en)

Méi wéi Sex — Fri, 12 Feb 2021 14:33:00 +0000

Wat heescht "Weiblechkeet"? An wien bestëmmt dat? D’Anne an d’Kelly schwätzen iwwer (eegen) Virbiller, widderspréchlech Weiblechkeetsufuerderungen, sexuell Unzéiung an iwwer Homarden. Jo, richteg, déi kleng rout Déieren mat der haarder Schuel. Wat et domat op sech huet, lauschtert der hei. An der Rubrik schwätzt den Elie iwwert déi sougenannten "relationship anarchy".

Hei an hei fannt dir d’Gender Unicorns an d’Gender Schwéngecher vun deenen d’Kelly an der Folleg schwätzt.

#76: Trauer – Jiddereen:t dierf säin eegene Wee goen

Méi wéi Sex — Fri, 29 Jan 2021 14:36:00 +0000

Onofhängeg dovun, ob elo e Familljemember, en Hausdéier oder en:g Koleeg:in stierft: De Verloscht kann sou wéi doen, dass engem d’Wierder feelen an een:t net weess, wéi een:t dat packe soll. Dat Gefill ass fierchterlech, mä normal. An der Folleg Nr.76 schwätzen den Elie an d’Anne iwwer verschidde Formen a Phase vun der Trauer, ginn op Traditiounen an a plädéieren dofir, dass jiddereen:t säin eegene Wee dierf goen. An der Rubrik schwätzt Kelly iwwer eng ganz bestëmmte Form vu sexualiséierter Gewalt, nämlech: Stealthing.

#75: Sprint oder Marathon? – D’Dauer vum Sex

Méi wéi Sex — Fri, 15 Jan 2021 14:00:00 +0000

Ass laange Sex besser wéi kuerzen? D’Kelly an de Joël schwätzen an dëser Episod iwwert d’Verhältnis vu Qualitéit an Dauer, iwwert laang Sex-Nomëtteger an opreegend Quickien an d’Fro, wéi een*t d’Längt vum Sex iwwerhaapt ka moossen. E puer Tipps, wéi een Sex an d’Längt zéie kann, gi mir och. An der Rubrik schwätzt den Elie doriwwer, wisou verschidde Leit gären ugepisst ginn.

#74: Méi wéi Drogen, Sex a Party – Safer Use & Safer Sex (Specialedition)

Méi wéi Sex — Fri, 01 Jan 2021 10:49:00 +0000

D’Nuetsliewe bitt dem Mënsch Fräiraim fir am Schutz vun der Däischtert neien Terrain ze exploréieren a sech a seng Ëmwelt nei kennen ze léieren. Ausseralldeeglesch Erfahrunge mat Sex an Droge spillen heibäi dacks eng wichteg Roll a sinn ëmmer mat engem gewësse Risiko verbonnen. Mee wéi kann een wärend dem Feieren iwwerhaapt bewosst Entscheedungen treffen? Wéi huet Corona eist Verhale verännert a wéi kann ech mech sou virbereeden, dass ech eng Balance tëscht dem Rausch a Risiko ka fannen?

Vum 7. bis den 11. Dezember huet de Cesas d’semaine de la santé sexuelle et affective organiséiert. An deem Kader huet de Sexpodcast mat Pipapo zesumme geschafft an unhand vun Ëmfroen, déi bei Instagram gemaach goufen, eng Live-Sendung preparéiert, un där Interesséierter per Zoom deel huelen konnten. Dëst ass also e Matschnëtt vun engem Evenement, dat den 11. Dezember stattfonnt huet.

(Hei fannt dir d’Enquête vun Pipapo, vun där am Gespréich riets ass.)

D’Illustratioun staamt vum Adriana de Pinho.

#73: Pijen, Porno a Pannen – Sexting 2.0

Méi wéi Sex — Thu, 17 Dec 2020 14:06:14 +0000

Proximitéit tëscht Koppelen oder bei Dates war 2020 just ënnert erschwéierte Konditioune méiglech. Mä am digitalen Zäitalter gëtt et jo glécklecherweis nach aner Méiglechkeeten, enger Persoun seng Loscht ze weisen, se mat hir ze deelen an zesummen ze genéissen. D’Kelly an de Joël hunn sech offline doriwwer ënnerhalen, wéi een online Spaass kann hunn ouni dobäi de Schutz ze vergiessen. D’Rubrik hält eng Rees an d’Welt vun de Fetischer bereet.

Hei sinn nach Siten, op denen dir weider Informatiounen fannt: - Bee Secure a Safer Internet - Spezifesch Dossieren: Was ist Sexting? - Bee Secure Kampapagne: Bass de sécher?

Op dëse Plaze kritt dir gehollef: - BEE SECURE Helpline // Tel.: 8002 1234 - Kanner-Jugendtelefon // Tel.: 11 6 111 - Elterentelefon // Tel.: 26 64 05 55

Eng Rubrik zum Thema: How to: Safe(r) Sexting

#72: Know Your Status – Mir testen eis op HIV

Méi wéi Sex — Fri, 04 Dec 2020 13:44:00 +0000

Wou kann een:t sech zu Lëtzebuerg teste loossen, brauch een:t fir en Auto-Test e Führerschäin a wat wierkt géint Opreegung beim Waarden op d’Resultat? D’Team vu Méi wéi Sex huet sech zesummegesat fir genee dat ze bespriechen. De Elie schwätzt an där neier Rubrik iwwer "Skin hunger".

#71: De Wee ass d’Zil – wat et bedeit, trans ze sinn (auf Deutsch)

Méi wéi Sex — Fri, 20 Nov 2020 14:00:11 +0000

„Transitioun“ ass e Wuert dat alles anescht wéi Stëllstand suggeréiert. Wann et am Kontext vun Transgeschlechtlechkeet verwennt gëtt, kënnen d’Verännerungen, déi stattfannen, ganz villfälteg sinn. An zwar net nëmme fir d’trans Persoun selwer, mä och fir hiert Ëmfeld. Wat alles zu dësem extrem individuelle Prozess gehéiert a wat fir Méiglechkeeten et ginn, doriwwer schwätzt de Joël mat sengem Gaascht, dem Amsel. An der Rubrik geet et ëm d’Pëll dono. (Dës Folleg ass op Däitsch.)

#70: Hannert dem Réck – Risiken an Niewewierkunge vum Friemgoen

Méi wéi Sex — Fri, 06 Nov 2020 14:00:47 +0000

Fänkt Friemgoe schonn am Kapp oder réischt am Bett un? Wat ass den Ënnerscheed tëscht Reegelen an Ofmaachungen? An lauschtert d‘Méi wéi Sex-Team och heiansdo friem? An der Folleg Nr.70 liwweren d’Kelly an den Elie Äntwerten dorobber. An der Rubrik erkläert den Elie, wéi een den eegene Schnurres mat sozialem Engagement verbannen kann.

#69: Den Aha-Effekt – Asexualitéit ënnert der Lupp (Auf Deutsch)

Méi wéi Sex — Fri, 23 Oct 2020 12:30:08 +0000

Firwat behëlt den Dr. House sech heiansdo einfach nëmme wéi en Aasch? Hunn Asexueller automatesch weder Sex nach Bezéiungen? An wat huet dës Orientéierung mat Kuch ze dinn? Doriwwer huet d’Anne mam Julia Maria diskutéiert. An der Rubrik geet d’Kelly op den Gender-Begrëff an.

#68: Sexident um Turbo-Rond-Point Klitoris – Éischt-Hëllef-Folleg fir sexuell Noutfäll

Méi wéi Sex — Fri, 09 Oct 2020 13:00:26 +0000

Op elo en gerassene Kondom, eng Analfissur oder en Ausschlag am Intimberäich. All dëst si Saachen, déi een definitiv net mat aplangt, mä déi awer mol geschéien kënnen, wann een sech eleng oder mateneen ameséiert. Net ze panikéieren a sech selwer hëllefen ze kënnen, ass wichteg. Awer et ass genee sou legitim, och Professioneller em Rot ze bieden. Wéi een Akzidenter méiglechst vermeiden an wou een am Fall vun de Fäll uruffen kann, doriwwer schwätzen d’Kelly an d’Anne an där neier Folleg.

#67: Haaptsaach eng Gäns? – Penisonsécherheet an aner léisbar Problemer

Méi wéi Sex — Fri, 25 Sep 2020 10:35:41 +0000

Zitt ee mat engem klenge Penis automatesch de Kierzeren? Wéi vill verschidde lëtzebuergesch Wierder gëtt et fir dat Organ, dat an der Chatfënster scho mol a Form vun enger Aubergine opdauche kann? An ass ee mat Erektiounsstéierungen en Eenzelfall? All dës Froen diskutéieren den Elie an de Joël an där neier Folleg vu Méi wéi Sex.

D’Kelly vergläicht an der aktueller Rubrik Kondomer mat Sombreroen a Kleeserchersmutzen. Wann der wësse wëllt, firwat den Ënnerscheed tëscht béidem wichteg ass, da lauschtert eran!Et gëllt wéi ëmmer: Entweder schalt dir de Mëtten um 15h bei Radio ARA an oder dir gutt dono op är Liblings-Podcastplattform souwéi op eisem Site sexpodcast.lu luusse.

#66: Who the f*** is Marcel? – Ënnerwäsch vun der Tennisstrëmp bis zur Spëtzebéckselchen

Méi wéi Sex — Fri, 11 Sep 2020 13:00:00 +0000

Firwat huet de Winnie Puuh keng Ënneschtbox un? Gëtt et Ënnerwäsch mat Spëtzt fir Mënsche mat Penis? Sinn Tennisstrëmp an der Kombi mat Birkenstock sexy? A wien ass deen ominéisen de Marcel? De Joël an d’Anne maachen et an der 66. Episod vu Méi wéi Sex gewëssermoosse wéi d’Superheld:innen a ginn der Ënnerwäsch méi Visibilitéit wéi soss.

#65: E schéint Nospill – Réckbléck op déi zweet Staffel

Méi wéi Sex — Fri, 07 Aug 2020 13:30:56 +0000

Mir sinn um Enn vun der zweeter Staffel ukomm an zéie Bilan. Hu mir iwwer méi wéi Sex geschwat? Nieft ärem Feedback schwätze mir doriwwer, wat eis schéinsten a witzegst wéi och schwieregst Momenter waren, wat gefeelt huet a wat fir Themen op iech an der drëtter Staffel duerchkommen.

Wat ass ee Summerfling? An der leschter Rubrik virun der Summerpaus erkläert den Elie wéi een eng schéin Zäit zu 2 verbrénge kann, a wei een sech am beschten uleet vir ee Summer Fling ze fannen. Stay hydrated, kids.

Méi wéi ee season final

Méi wéi een Eddi a Merci

#64: Tattooen

Méi wéi Sex — Fri, 24 Jul 2020 13:30:30 +0000

Firwat huet een Tattooen? Veränneren Tätowéierungen d’Perceptioun vun engem selwer oder wéi een aner Persoune gesäit? An wéi ass et mat der (frëndschaftlecher, romantescher an/oder sexueller) Unzéiung zu Léit wann se (keng) Tattooen hunn? Doriwwer (an nach méi) plauderen d’Kelly an d’Lynn.

An der Rubrik äntwert d'Kelly op eng weider Fro vun Noolauschter*innen: #followersedition N°4 : “Ass dat normal … keen Orgasmus kennen ze hunn?”

#63: Méi wéi Sex an Zäite vu Corona

Méi wéi Sex — Fri, 10 Jul 2020 13:30:28 +0000

Wat mëcht Covid mat Bezéiungen, Intimitéit a Sexualitéit? Wéi ass Dating wärend enger globaler Pandemie? D’Kelly an d’Anne ziele vun hiren Erfarungen a schwätzen iwwer Masturbatioun, mental health an nach vill méi.An der Rubrik äntwert den Eile op eng weider Fro vun Noolauschter*innen: #followersedition N°3 - Erektiounsproblemer. Et gi verschidde Grënn, firwat ee keng Erektioun hale kann. E puer Froen déi een sech stelle soll sinn: Kann ech eng Erektioun halen, wann ech eleng masturbéieren? Geschitt mer dëst nëmme mat enger Partnerin oder engem Partner? War dat schonn ëmmer sou, oder ass et eppes Neies?

QUELLEN:- Studie Nr. 1: Intimität und soziale Beziehungen in der Zeit physischer Distanzierung

- Studie Nr. 2: Eine Übersicht medialer Narrative im Frühjahr 2020 - Wie verändert die COVID-19-Pandemie unsere Sexualitäten?

Lauschter zu dësem Thema och an folgend Rubrik eran:

How to: Gesond bleiwen an Zäite vun der Quarantaine

#62: Net iessen, wat op den Dësch kënnt – Iessstéierung(en)

Méi wéi Sex — Fri, 26 Jun 2020 13:30:37 +0000

Hunn Iessstéierungen ëmmer eppes mam Ausgesinn ze dinn? Gëtt et sou eppes wéi "rëm Iessen léieren"? A wéi nennt een Leit, déi hir Krankheet iwwerlieft an de Wee zréck zu engem agreabelen Ëmgang mat Liewensmëttel fonnt hunn? All dëst diskutéieren d´Anne an d´Nora an dëser Folleg.

Links: - Eating recovery center: https://www.eatingrecoverycenter.com/myrecoveryletter?fbclid=IwAR0lOYeOQaaVIYdBFvzQR1GvMpr1mZz-snKlQ9zmtnOOIa0a1IlxWt5AgRo - Terapienetz - Essstörung: https://www.facebook.com/TherapienetzEssstoerung - Waage e.V. – Das Fachzentrum für Essstörungen in HH : https://www.waage-hh.de/?fbclid=IwAR2P5ytD1maAKpyKVSCie_f3xNJvK8tiNVseuSqWyFbAPYrFC79bFhjD2hs

#61: Fernbezéihung

Méi wéi Sex — Fri, 12 Jun 2020 13:30:09 +0000

Wann een*t wäit fort vun där Persoun wunnt, déi een*t gären huet, kann dat zimmlech ustrengend sinn. D‘Anne an de Joël schwätzen iwwert Fernbezéiungen um aneren Enn vum Planéit an zu Lëtzebuerg, iwwert Sex op Distanz, Kommunikatioun an temporär gemeinsam Welten. Wat dat ganzt mam Klimawandel ze dinn huet, gitt dir och gewuer.

An der Rubrik dës kéier: Eng gutt Fro – Wat ass de Sex Drive? Männer wëllen ëmmer a Fraen hunn ni Loscht? Wat dreift eis, a wat bremst eis? Wat dréit alles zu eisem sexuelle Verlaange bäi, a wat beaflosst et?

#60: Sex, Drogen an e bësse Rock´n´Roll

Méi wéi Sex — Fri, 29 May 2020 13:30:07 +0000

Festivals kënne mat Musek lauschteren, vill Kultur an Danze bis een emfällt ze dinn hunn. Mee net seele gehéiert dozou och Knuutschen, Schmusen a vläicht souguer Sex. Deen een oder dat anert ass dobäi net méi ganz niichter. Fir dass dat net schif geet, ass et immens wichteg, informéiert ze sinn. An der neier Folleg preparéieren d´Anne an de Carlos vu Pipapo sech am Kapp op e Festival fir d´nächst Joer. Dat wat si soen, gëllt awer genee sou, wann een doheem mat enger oder méi Persoune wëll intim ginn a Substanzen am Spill sinn. Am Podcast schwätzen si iwwer allgemeng Reegelen. Um Site Pipapo.lu fannt dir awer och Informatiounen zu all eenzeler Drog, hirer Wierkung an de Risiken, déi si mat sech brénge kann. An dëser Episod gëtt d´Thema Chemsex (Sex op syntheteschen Drogen) net traitéiert. Mir recommandéieren awer d´Folleg zum Thema vum däitschsproochege Podcast Stadt-Land-Schwul. D´Podcaster schwätzen do souwuel mat engem Dokter souwéi och mat enger Mataarbechterin vum Drugcheck Zürich. An der Rubrik huet d’Kelly op Froen vun Noolauschter_innen geänfert - zu den Themen: - mat Jugendlecher iwwer Sex Schwätzen, - Pornokonsum - an sexuell Orientéierungen. Wann dir och Froen hutt wat mir an enger Rubrik kenne beäntwerten, schreift eis är Iddien eran.

Links:

PIPAPO - Sex Drugs & Rock'n Roll - Infokaarten: https://pipapo.lu/information/

TRANS-EUROPEAN COVID-19 & DRUGS SURVEY:https://pipapo.lu/wp-content/uploads/2020/05/graphic_report.pdf
Podcast Stadt-Land-Schwul: https://www.podcast.de/episode/443462080/.Chemsex./

#59: Männlechkeet

Méi wéi Sex — Fri, 15 May 2020 13:30:34 +0000

Et gi vill Forme vu Männlechkeet. Verschiddener si geféierlech, a beim Ausliewe kann een sech an anere wéidoen. Den Elie an de Joël schwätzen dës Kéier doriwwer, wat et heescht, e Mann ze sinn, a wéi een sech géint toxesch Männlechkeet ka stellen. Nieft Autoen, Béier an enger Kotlett um Grill kommen awer och soft boys, kritesch Männlechkeet a gutt Virbiller zur Sprooch. An der Rubrik schwätzt den Elie iwwer wéi een sou matenee schwätzt, dass een och gehéiert a verstane gëtt. Wat gelift? Lauschtert eran.

Hei fannt dir d'Links déi an der Episod ugeschwat goufen:

- Rubrik zur Prostate: https://sexpodcast.ara.lu/podcast/eng-gutt-fro-wei-funktioneiert-dprostate/ - Youtube-Kanäl, déi popkulturell Analysen zu Männlechkeet machen: https://www.youtube.com/user/mrskimps/ & https://www.youtube.com/channel/UCHiwtz2tCEfS17N9A-WoSSw - Allgemeng Informatiounen zu kritescher Männlechkeet: https://kritische-maennlichkeit.de/

#58: Sexability – Sex mat Behënnerung, mä ouni Barrièren

Méi wéi Sex — Fri, 01 May 2020 13:30:39 +0000

Wann et em Sex a Behënnerung geet, dann huet een et dacks mat Barrière am Kapp an net mat physesche Barrière ze dinn. Déi muss een erkenne fir se ofbauen a Zäertlechkeet genéissen ze kënnen. Dat ass d’Thema vun der neier Folleg an där d’Anne vum Podcast an en anert Anne eescht Gespréicher féieren, mee och vill laachen. An der Rubrik schwätzt d’Kelly iwwer Gefiller, a firwat et sech lount se all ze fillen.

#57: Ech wëll eppes vun dir – mä wat?

Méi wéi Sex — Fri, 17 Apr 2020 13:30:59 +0000

Et kribbelt am Bauch, wann ech eng Persoun gesinn, mä heescht dat, datt ech verléift sinn? Kann sech eng néi Frëndschaft wéi verléift-sinn ufillen? Wisou well ech verschidde Leit just kucken an net upaken? D‘Kelly an de Joël schwätzen an dëser Episod iwwert déi verschidde Forme vun Unzéiung an erkläre Konzepter, fir besser mam Gefillschaos ëmzegoen. An der Rubrik schwätzt den Elie iwwer: Pleasure Mapping. Dës ass eng Technik wou ee Kierperdeeler erfaasst vir erauszefanne wat sech gutt ufillt, a wat net. Du wëlls wësse wéi? Da lauschter eran.

INFOS ZU DER EPISOD:

Smush - (based on sexual attraction) a strong desire to be sexually close to or have a sexual relationship with a specific person; ex. of usage: “They’re so smushable”/“i’m in complete smush for you”/“Who’s your current smush?”

Crush - (based on romantic attraction) a strong desire to be romantically close to or have a romantic relationship with a specfic person; ex. of usage: “I have a crush on you”/“I’m currently crushing on [x]”

Squish - (based on platonic attraction) a strong desire to be platonically close to or have an intimate friendship with a specific person; ex. of usage: “I have a squish on [x]”/“I’m squishing so hard for you”

Lush - (based on sensual attraction) a strong desire to be sensually close to or engage in sensual activities with a specific person; ex. of usage: “I have a lush for you”/“I’m in total lush with you”/“Who are you currently lushing for?”

Swish - (based on aesthetic attraction) a strong desire to be aesthetically close to or have freedom to continue aesthetic appreciation of a specific person; ex. of usage: “I have such a swish for [x]”/“Who are your top five swishes?”

WEIDER QUELLEN ZU DËSER EPISOD:

Amatonormativitéit: https://elizabethbrake.com/amatonormativity/
QPR: https://aromantic.wikia.org/wiki/Queerplatonic

#56: Erfarung fält net vum Himmel

Méi wéi Sex — Fri, 03 Apr 2020 13:30:40 +0000

D´Entdeckungsrees iwwer den eegene Kierper soll sech net ufille wéi en iwwerfëllten Owend op der Schueberfouer, wou e gestouss a vu jidderengem op d´Féiss getrëppelt gëtt. Wéi kann een ellen Erfarunge vermeiden a sech awer selwer kenne léieren? Iwwer schéi Weeër bis zum Punkt vun der Loscht schwätzen d´Liz, d´Laurence an d´Anne an der neier Folleg vu Méi wéi Sex.

An der Rubrik schwätz d’Kelly iwwer etheschen Pornokonsum, d’Mainstream-Porno-Industrie an fair porn. Ressourcen zum Thema vun der Rubrik: - Sex-Positive Porn https://www.allure.com/story/best-porn-sites-for-women?fbclid=IwAR2hCNV0MtFN9zsUxilDNEmkiYzS6jSX0sP7CWOGi--wXrghsysC3VHueVg - Educational Porn / Sexual Education Webseries https://sexschoolhub.com - Audio Porn https://www.forbes.com/sites/frankicookney/2019/08/22/audio-porn-is-a-booming-business-and-here-are-5-of-the-best/

#55: Verhütung

Méi wéi Sex — Fri, 20 Mar 2020 14:30:48 +0000

Den Elie an d’Kelly schwätzen iwwer Verhütung (och nach: Contraceptioun) a froen sech: Wat fir Verhütungsmëttele gëtt et? Wéie Verhütungsmëttel ass dat richteg fir mech? Wéi benotzen ech et richteg? A wat si Vir- an Nodeeler? An der Rubrik schwätzt den Elie iwwer wéi een an Zäite vun der Quarantän gesond bleiwe kann.

Ressourcen: - macontraception.lu - safersex.lu - liebesleben.de

#54: Net-Kannerwonsch (auf Deutsch)

Méi wéi Sex — Fri, 06 Mar 2020 14:30:24 +0000

Du bass jonk, waart mol of! Wien këmmert sech soss em dech, wann s de al bass? Dat ass dach natierlech, firwat fäls du aus der Rei? D´Reaktiounen, déi ee kritt, wann ee keng Kanner wëll, si villfälteg. Dacks sinn se grenziwwerschreidend a léisen Drock aus. D´Anne a säi Frënd Max, déi zesummen decidéiert hunn, keng eege Kanner ze kréien, plaidéiere fir en aneren Ëmgang mat sou Froen an der Gesellschaft.

D’Kelly schwätz an der Rubrik “How to stay safe in Luxemburg” iwwert: wou een sech kann testen loossen, wéi een verhüten kann an wou een Berodung fënnt, wann een sech net sëcher ass/fillt. Infos zu STIs: www.safersex.lu, www.liebesleben.de Verhütungsmëttelen: www.macontraception.lu Gratis HIV-Test zu Letzebuerg: dimps.lu

#53: Playpartyen

Méi wéi Sex — Fri, 21 Feb 2020 14:30:40 +0000

Op eng Party goen, fir do sexuell Erfarungen ze hunn, vläicht och nach an der Grupp? Dat ass guer net esou onméiglech, wéi et vläicht klengt. De Joël schwätzt dës Kéier mat sengem Gaascht Anne doriwwer, wéi et ass, op Playpartyen ze goen, wéi een*t sech dorobber virbereet, wéi ee*nt mat Erwaardungen ëmgeet a wisou Konsens op sou Plazen immens wichteg ass.

#52: Méi wéi Speck

Méi wéi Sex — Fri, 07 Feb 2020 14:30:56 +0000

Net all Kierper huet déi selwecht Form – an dat ass och gutt esou! Haut geet et ëm mockeleg sinn. D‘Anne an de Joël erzielen, wéi si an hir Kierperen erlieft hunn, wat frustréiert huet a wéi si geléiert hunn, hire Speck ze appreciéieren. Ee Gespréich iwwert Iessen, Danzen, Nudes, Kleedung a Prominenter, déi eng Virbildfunktioun kënnen hunn.

#51: Toxesch Relatiounen & Frëndschafts-Schlussmachen

Méi wéi Sex — Fri, 24 Jan 2020 14:30:59 +0000

D’Kelly an Tessie vun der eischter Staffel, schwätzen iwwer toxesch Relatiounen a Frëndschafts-Schlussmaachen. Wéi ënnerscheet een toxesch Bezéiunge vun net-toxeschen? Wéi geet een domat em, wann een sech an enger Bezéiung oder Frëndschaft net méi wuel fillt? An der Rubrik geet et em Herpes, en Virus deen onberechtegterweis en Tabu Thema ass.

#50: BDSM

Méi wéi Sex — Fri, 10 Jan 2020 14:30:11 +0000

Bei BDSM denken déi meescht un Leit a Lack a Lieder, déi sech an däischtere Kelleren auspeitschen. Mä BDSM ass vill méi. Vill vun eis si vill méi kinky, wéi se vläicht denken. D‘Kelly an de Joël schwätzen doriwwer, wat fir verschidde Forme BDSM kann hunn a wisou et enorm sexy ka sinn, sech ze ënnerwerfen oder eng Persoun ze dominéieren. An der Rubrik froe mer eis: Wat sinn d'Grënn fir ongewollt physesch Péng beim Sex? Hei nach ee Video iwwert d'Ampelsystem, wat an der Episod erwähnt gëtt: https://vimeo.com/383529632

#49: Witzer iwwer Sexualitéit

Méi wéi Sex — Fri, 27 Dec 2019 14:30:47 +0000

Vum Schenkelklopfer bis bei d’Laachkris. Den Effekt vun engem eenzege Witz ka villfälteg sinn. E kann encouragéieren oder op en aktuelle Problem an der Gesellschaft hiweisen. Oder einfach just blesséieren. D’Anne a de Mateiu hunn sech duerch d’Internet geklickt an dobäi Héichten an Déiften a Punkto sexuellen Humor entdeckt, déi Si an der neier Folleg ausernee plécken. Biller, iwwert déi an der Sendung geschwat gëtt:

An der Rubrik schwätzt den Elie iwwer Sexualitéit, Kriibs, a wéi dës Krankheet d’Sexualitéit vun de Betraffenen a vun de Partner-inn-e beaflosse kann.

#48: Sproochen beim Sex

Méi wéi Sex — Fri, 13 Dec 2019 14:30:43 +0000

Spuenesch, Franséisch oder dach Lëtzebuergesch mat Éisleker Accent – wat ass déi sexiest Sprooch? D'Anne an de Joël schwätzen iwwert Schwätze beim, virum an nom Sex. Wéi wichteg ass verbal Kommunikatioun a wéi verännert se sech, wann een*t eng aner Sprooch schwätzt wéi seng Sexualpartner*innen? Ausserdeem Breaking News: Brëscht hunn och en Zyklus - lauschter dozou d’Rubrik!

Quell Rubrik: https://www.facebook.com/pg/givingthetalk/

#47: Let’s talk about HIV

Méi wéi Sex — Fri, 29 Nov 2019 14:30:30 +0000

Den 1. Dezember ass Welt-AIDS-Dag. De Joël schwätzt dofir an dëser Episod mat sengem Gaascht Kim vun der HIV-Berodung iwwert den HI-Virus an d‘AIDS-Erkrankung. Wéi eng Methode ginn et, fir sech ze schützen, a wat huet mat deenen néien Traitementer wéi PEP a PrEP op sech? Si schwätzen awer och doriwwer, wéi et ass, wann een sech teste léisst a wéi d‘HIV-Berodung den HIV-Test aus dem Supermarché gesäit. Donieft ass d‘Homofeindlechkeet, déi nach ëmmer mam Thema HIV verbonnen ass, genee esou een Thema. An der Rubrik schwätzt den Elie iwwert d'US-Amerikanesch Komikserie Big Mouth, déi säit 2017 op Netflix leeft a wou grad déi 3. Staffel erauskomm ass. Et geet an den insgesamt 31 Episoden em de Chaos deen ee “Pubertéit” a sexuell Entwécklung nennt. Mir soen: 9 vun 10 Punkten - absolut kuckenswäert. Hei nach puer Infos: - Leckduch aus engem Kondom bastelen: http://www.queerpgh.com/sex-ed-101-dental-dams/ - Wou a wéi kann ech mech zu Lëtzebuerg teste lossen? : dimps.lu - Geschicht vun der queerer Community an Zesummenhang mat AIDS: https://www.nbcnews.com/feature/nbc-out/lgbtq-history-month-early-days-america-s-aids-crisis-n919701

#46: Sexgeräischer & Audioporn

Méi wéi Sex — Fri, 15 Nov 2019 14:30:18 +0000

Stöhnen, quiitschend Better, Flutsche … Sex ass meeschtens net immens lues. De Joël, d'Anne an d'Kelly ënnerhalen sech an dëser Episod zu dräi iwwer all méiglech Geräischer beim Sex. Dës Kéier gëtt et keng Rubrik, mä dowéinst awer 29 Minutte laang een auditiven Dräier zu Audioporn, Faken, Verstäerken an Ënnerdrécke vu Geräischer, déi d'Loscht verstäerken oder verklengeren. En plus kläre mir endlech de Mystère, wat et mat Risotto a Sex op sech huet.

#45: Petting

Méi wéi Sex — Fri, 01 Nov 2019 14:30:18 +0000

An dëser Episod schwätze Kelly an de Joël iwwer "Petting". Wat heescht dat? Ass dat scho Sex? oder ass dat einfach en anert Wuert fir Virspill? An zum Schluss an der Rubrik en „How to: Wat well ech?”, wou d'Kelly Iech Tipps gëtt wéi een zesummen oder eleng seng Virléiften an seng Grenzen erausfannen kann. Dozou och hei ee klenge Link: http://queertopia.blogsport.de/images/JaNeinVielleichtListe.pdf

#44: Sex op ëffentleche Plazen

Méi wéi Sex — Fri, 18 Oct 2019 13:30:59 +0000

An da zweeter Folleg vun der 2ter Staffel diskutéiere Kelly an Anne iwwert wéi, firwat a wou Sex op ëffentleche Plazen interessant, spannend a munchmol awer och komesch oder komplizéiert ka sinn. An wei gewinnt gëtt et zum Schluss eng Rubrik. Hei erzielt eis den Elie alles wat een iwwert dat speziellt Organ "Prostate" wësse soll.

#43: Staffel 2. Neit Team, Nei Stëmmen!

Méi wéi Sex — Fri, 04 Oct 2019 13:30:21 +0000

Wëllkomm an der 2ter Staffel vun „Méi wéi Sex“! Dat neit Team stellt sech vir: Kelly, Joël, Anne, Mirka, Elie, Mateiu. Ween mécht wat, wat sinn hier Virléiften a wat gëtt et wärend der 2ter Staffel alles ze héieren? Dat gitt dir an dëser éischter Episod gewuer. An zum Schluss gëtt et eng „How To“ - Rubrik iwwert „Gruppesex“! Lauschtert eran!

#42: Réckbléck op déi éischt Staffel

Méi wéi Sex — Tue, 30 Jul 2019 14:14:44 +0000

D'Kelly an d'Tessie kucken zeréck op déi éischt Staffel, ginn op Feedback an, schwätzen iwwer hier Liiblingsfolgen, wéi eng Themen nach net dru komme sinn a kucken an d'Zukunft.

#41: Pubertéit

Méi wéi Sex — Mon, 08 Jul 2019 13:17:50 +0000

D’Kelly a säi Gaascht d’Ruth schwätzen iwwer Pickelen, cool sinn, déi éischt Masturbatiounserfahrungen, Geschlechtsufuerderungen an nach vill méi.

#40: Musek beim Sex

Méi wéi Sex — Fri, 28 Jun 2019 13:29:53 +0000

An dëser Folleg dréit sech alles ëm Musek: Musek beim Sex, beim Masturbéieren an an der Bezéiung. D'Tessie an de Joël schwätzen iwwer schéin wéi och manner schéin Erfahrungen.

#39: Intim-Hygiène

Méi wéi Sex — Mon, 24 Jun 2019 12:23:52 +0000

Wat gehéiert alles zu Intim-Hygiène? Ass et schlëmm, wann een de Genitalgeroch vu sengem Partner oder senger Partnerin net gär huet? D'Kelly huet mat eisem Gaascht dem Ruth iwwert eegen Erfahrunge, Intimseefen, Oralsex, Sextoys an nach vill méi geschwat.

#38: Frëndschaft “Mann/Fra”?

Méi wéi Sex — Fri, 07 Jun 2019 16:25:28 +0000

Kënne Männer a Fraen enk Frëndschafte mateneen hunn, ouni dass et komplizéiert gëtt? D'Kelly an d'Tessie schwätzen iwwer hier Erfahrungen. An der Rubrik dréit sech alles ëm Squirten.

#37: Dating

Méi wéi Sex — Mon, 03 Jun 2019 15:57:34 +0000

Wat ass d’Definitioun vun engem Date? A wéi ënnerscheed sech monogamt vun net-monogamen Daten? Äntwerten op dës Froen ze fannen, ass net sou einfach wéi ee menge kéint...

#36: Dirty Sex

Méi wéi Sex — Mon, 27 May 2019 05:16:34 +0000

Wa Leit vu sech behaapten, knaschtege Sex ze hunn, wat menge se domat? Séieren, onperséinlechen Sex? Ongewéinlech Stellungen? Rollespiller? Dirty Talk? Wat ass den Ennerscheed zu sougenanntem "Blümchensex"? D'Kelly an d'Tessie hu probéiert et rauszefannen.

#35: Self-Care

Méi wéi Sex — Mon, 20 May 2019 14:48:56 +0000

Fir säin Alldag kierperlech a psychesch gutt ze iwwerstoen, ass et wichteg, Self-Care ze maachen. Mä wat ass dat iwwerhaapt a muss een dofir ëmmer Suen ausginn? D’Kelly an d’Tessie hunn iwwer hier Erfahrunge geschwat. An der uschléissender Rubrik dréit sech alles ëm déi éischte Kéier.

#34: Bisexualitéit

Méi wéi Sex — Mon, 13 May 2019 13:22:35 +0000

Vun alle sexuellen Orientéirungen ass Bisexualitéit wahrscheinlech déi, déi am heefegste vergiess oder mëssverstane gëtt. D'Tessie huet mat sengem Gaascht, dem Joël, iwwer Virurdeeler an de Mangel u bisxueller Personnagen geschwat. An der Rubrik dréit sech alles ëm sexuell iwwerdrobar Krankheeten a wéi een et vermeide kann, sech oder anerer unzestiechen.

#33: Grenzen zéien

Méi wéi Sex — Thu, 09 May 2019 11:33:30 +0000

Egal ob a Frëndschaften, an der Famill an enger Bezéiung, beim Sex oder mat Friemen - d'Grenzzéiunge vun anere respektéieren ass ëmmer wichtg. D'Kelly an d'Tessie hunn doriwwer geschwat, wéieng Zorte vu Grenzen et ginn, wourun ee se erkennt a wéi ee se kommunizéiere kann.

D'Aarbechtsbuch fir beim Grenzesetzen ze hëllefen: Les Migras (2018)

#32: Frëndschaft no Trennung

Méi wéi Sex — Tue, 30 Apr 2019 14:05:38 +0000

Ass et eng gutt Idee, vun enger Bezéiung op eng Frëndschaft iwwerzegoen? Wat ass, wann déi eng Persoun dat wëll an déi aner net? A wéieng Schwieregkeete kënnen dobäikommen, wann d’Ex-Persoun eng nei Bezéiung huet? D’Kelly an d’Tessie schwätzen iwwer hier Erfahrungen.

#31: Queere Sex

Méi wéi Sex — Tue, 23 Apr 2019 13:25:07 +0000

Wat ass queere Sex? Hu queer Persounen ëmmer queere Sex an hetero Leit nie? Deene Froen sinn d'Tessie an d'Kelly nogaangen. An der Rubrik geet et ëm psychesche Mëssbrauch a romantesche Bezéiungen. Literatur: Körper, Sexualität und Beziehung für Junge Trans*menschen (Trans*Rech e.V. 2017)

#30: Dating Apps

Méi wéi Sex — Mon, 15 Apr 2019 13:19:18 +0000

D’Lucie an d’Kelly schwätzen doriwwer firwat si Dating Apps benotzen, wéi hier éischt Noriichten am Tinder-Chat ausgesinn, wéini en gudde Moment fir en Date ass an wéi hier rezentest a komeschst Tinder-Geschichten ausgaange sinn.

#29: Liebeskummer

Méi wéi Sex — Thu, 11 Apr 2019 15:19:37 +0000

Wéini schwätzt ee vu Liebeskummer a wéi kann een domat ëmgoen? D'Kelly an d'Tessie schwätzen iwwer hier Erfahrungen.

#28: Wuess, Laser, Epilatioun

Méi wéi Sex — Fri, 29 Mar 2019 16:19:38 +0000

Niewt Raséieren an Hoerwechmaachcrèmen, ginn et Methoden, déi d'Hoer méi laangfristeg ewechmaachen. Déi sinn awer deier an dinn dacks wéih. D'Anne an d'Tessie tauschen hier Erfahrungen aus. Duerno kommen e puer Tipps vum Kelly zu Handjobs.

#27: Sexgespréicher

Méi wéi Sex — Fri, 22 Mar 2019 14:21:29 +0000

Mat wiem an wéi schwätze mir iwwer Sex (oder och net)? A firwat? Mat wiem hu mer ugefaangen iwwer Sex ze schwätzen? Wéi ass et mat Famill, Frënn oder Persoune, mat deene mer Sex hunn? Doriwwer schwätzen den Momo an d’Kelly.

#26: Jongfralechkeet

Méi wéi Sex — Fri, 15 Mar 2019 16:00:22 +0000

Wouduerch verléiert ee seng Jongfralechkeet? Ass dat iwwerhaapt wichteg a wat huet d'Jungfernhäutchen domat ze dinn? D'Kelly an d'Tessie hunn doriwwer diskutéiert. An der Rubrik geet et ëm d'Sexualpraktik "Fingering".

#25: Sexuell Belästegung

Méi wéi Sex — Fri, 08 Mar 2019 15:49:53 +0000

Wann et drëm geet, sexuell Belästegung ze bekämpfen, läit d'Verantwortung haaptsächlech bei den Täter. Mä wat mécht een, wann ee sou enger Situatioun ausgesat ass? Wéi kann ee sech schützen? A wéi kann een aneren hëllefen? D'Anne an d'Tessie stellen e puer Methode fir. An der Rubrik ass d'Enrica vum Cigale bei Kelly am Studio, fir iwwer seng Aarbescht ze schwätzen.

#24: Hetero, aromantesch, queer?

Méi wéi Sex — Mon, 04 Mar 2019 09:35:02 +0000

Wouhier wees ech, wéieng sexuell Orientéirung ech hunn a wéi ech se bezeechne soll? Ass et ok, sech kee Label wëllen ze ginn, also net ze soen, dass een hetero, schwul, bi, asexuell oder wat och ëmmer ass? D’Kelly an d’Tessie soen hier Meenung dozou ass. An der Rubrik geet et em Fellatio, och nach bekannt als: Blosen.

#23: Gesiichtshoer

Méi wéi Sex — Fri, 22 Feb 2019 16:30:24 +0000

Hoer um Kënn, op de Baken, um Hals oder iwwer der Lëps... Déi eng hunn et méi, déi aner manner gär, wann aner Leit vun deenen Hoer wëssen. D'Anne an d'Tessie schwätzen iwwer hier Erfahrungen. An der Rubrik mam Kelly geet et ëm Cunnilingus, och nach bekannt als: Lecken.

#22: Verléift

Méi wéi Sex — Mon, 18 Feb 2019 13:54:44 +0000

D’Kelly an säi Gaascht d'Ada schwätzen doriwwer, wéi ee mierkt, dass ee verléift ass, iwwer ongewollt Verléiftheet an d’Ënnerscheeder tëscht verléift sinn, verknallt sinn an ee gär hunn. An der Rubrik geet et ëm d'Fro: Brauch een e grousse Penis fir gudde Sex ze hunn?

#21: Sex am Film

Méi wéi Sex — Mon, 11 Feb 2019 14:42:30 +0000

A bal all Mainstream-Film kënnt eng Sexzeen vir. Mee wat kritt een do iwwerhaapt ze gesinn? A ginn et Saachen, déi nie gewise ginn? D’Anne an d’Tessie deelen hier Andréck. Duerno kläert d’Kelly mat Mythe ronderëm de Penis op.

#20: Sex-Dreem

Méi wéi Sex — Fri, 01 Feb 2019 14:51:58 +0000

Wat huet et mat eroteschen Dreem op sech? Wat bedeiten se? Wat schwätzt dofir a wat dogéint aneren dovun ze erzielen? Doriwwer huet d'Tessie mat eisem Gaascht, dem Isabel geschwat. Dëst Kéier gëtt et souguer zwou Rubriken an enger: "Eng Gudd Froo" an "HowTo" Pegging!

#19: Schweessen

Méi wéi Sex — Sat, 26 Jan 2019 08:52:02 +0000

Wéivill schweessen ass normal? Wéi kann een domat ëmgoe, wann een d'Gefill huet zevill ze schweessen? D'Anne an d'Tessie hu sech doriwwer hier Gedanke gemaach. Am Kelly senger Rubrik dréit sech alles em de Sextoys.

#18: Frëndschaft oder Bezéiung?

Méi wéi Sex — Fri, 18 Jan 2019 16:52:45 +0000

Wat ass den Ënnerscheed tëscht enger Frëndschaft an enger romantescher Bezéiung? Gemeinsam Aktivitéiten, Gefiller, Dauer, Intimitéit!? D'Kelly an Tessie schwätzen driwwer. An der Rubrik geet et ëm Oralsex an doriwwer, wann ee sech weder als Jong nach als Meedchen définéiert.

#17: Sex-Fantasien

Méi wéi Sex — Sun, 13 Jan 2019 09:55:55 +0000

Wéieng sexuell Fantasie ginn et - a firwat? Wat hu Fantasien mat der Realitéit ze dinn? Wéi schwätzen ech mat Sexualpartneren iwwert déi Fantasien? Ass et normal beim Sex un aner Leit ze denken?

#016: Menstruatioun II

Méi wéi Sex — Fri, 04 Jan 2019 16:00:21 +0000

Binden, Tampon'en, Menstruationsënnerwäsch an -tasen... Wann et drëm geet, d'Reegelblutt ofzefënke stinn engem eng ganz Rei Produkter zur Verfügung. Mir hun der e puer getest a schwätzen driwwer. Duerno erwaard ich eng praktesch Uleedung zu Analsex.

#15: Ech wëll dech këssen

Méi wéi Sex — Fri, 28 Dec 2018 16:00:07 +0000

Ëmmer wann et drëms geet, eng aner Persoun fir d'éischt ze këssen, stellen sech déi selwecht Froen: Wourun erkennen ech, ob déi aner Persoun dat och wëll? Wéi ginn ech hier ze verstoen, dass ech si kësse wëll? Wéi soll de Kuss selwer idealerweis sinn? Nodeems d'Anne an d'Tessie iwwer hier Erfahrunge geschwat hunn, erkläert d'Kelly an der Rubrik, wat Sex-Shaming ass.

#14: Net-Monogamie

Méi wéi Sex — Fri, 21 Dec 2018 16:00:43 +0000

Wat ass den Ënnerscheed tëscht Net-Monogamie an Polyamorie? Wei kënnen net-monogam Bezéiungen ausgesinn? D'Kelly schwätz mam Lucie driwwer, wéi se dozou komm sinn, net-monogam ze liewen an wat dat alles sou mat sech bréngt. An der Rubrik schwätzt d'Tessie- passend zur Saison - iwwert Chrëschtdagsiessen!

#13: Raséieren

Méi wéi Sex — Fri, 14 Dec 2018 17:09:15 +0000

Vun alle Methode fir sech Kierperhoe wechzemaachen ass raséiere wahrscheinlech déi heefegst. Mee firwat eigentlech? A wat huet dat Thema an engem Sexpodcast verluer?

#12: Selbstbefriddegung

Méi wéi Sex — Mon, 10 Dec 2018 09:07:13 +0000

Wee masturbéiert a firwat a wéi? D’Anne an d’Tessie hu sech dozou hier Gedanke gemaach. D’Kelly huet sech iwwerdeems fir d’Rubrik “Eng gutt Fro” mat der Klitoris befaasst.

#11: Wat bass de sou schéin!

Méi wéi Sex — Wed, 05 Dec 2018 14:13:08 +0000

Wat vermëttelen eis d’Medien an eist Ëmfeld doriwwer, wat Schéinheet ass? A wéieen Afloss huet dat op eist Selbstwäertgefill? Doriwwer huet sech d’Tessie mat eisem Gaascht dem Lara ënnerhalen. An der uschléissender Rubrik geet et em de Coming-out.

#10: Hey Bebe, gäilen Aarsch!

Méi wéi Sex — Fri, 23 Nov 2018 14:40:17 +0000

Vun engem Friemen op der Strooss oder am ëffentlechen Transport ugepakt oder op opdrägelech Aart a Weis ugeschwat ze ginn, hannendrugeruff oder –gepaff ze kréien – eng Erfahrung, déi vill Leit ëmmer nees an hierem Alldag maachen. D’Anne an d’Tessie schwätzen doriwwer wéi si an hiert Emfeld domat ëmgin. Passend dozou erkläert d’Kelly duerno an der Rubrik wéi ee ka Sex hunn, deen op Einvernehmlechkeet a Respekt baséiert.

#9: Vulva, Titten, Penis, Fotz

Méi wéi Sex — Fri, 16 Nov 2018 17:00:39 +0000

Firwat soe mir am Podcast eigentlech Penis an net Schwanz? A wat mengen d’Leit genee domat, wa se Muschi soen? Vagina ? Kitzler? Dat Ganzt? Wann et ëm Begrëffer geet, gëtt et séier komplizéiert – d’Kelly an d’Tessie hu probéiert e bëssen Uerdnung an de Chaos ze bréngen. Am Uschloss geet et ënnert anerem ëm Asexualitéit an Aromantik.

#8: Flirten

Méi wéi Sex — Mon, 12 Nov 2018 13:04:24 +0000

Wat ass den Ënnerscheed tëscht flirten a frëndlech sinn? An ab wéini ass d’Grenz zu sexueller Belästegung iwwerschratt? D’Anne an d’Tessie hu sech dozou e puer Gedanke gemaach. Duerno an der Rubrik hëlt d’Kelly de Sex a Porno’en ënnert d’Lupp.

#7: Gudde Sex

Méi wéi Sex — Fri, 02 Nov 2018 14:44:11 +0000

Wéieng Virstellungen ginn dovunner vermëttelt, wat gudden oder schlechte Sex ass? A wéivill ass un deene Saachen drun? D’Kelly an d’Tessie schwätzen iwwer hier Erfahrungen.

#6: Lo gëtt et hoereg!

Méi wéi Sex — Mon, 29 Oct 2018 10:04:10 +0000

D’Fro, ob een Hoer wechmécht oder net, stellt sech net fir all Kierperdeel an all Mënsch dselwecht. An dëser Episode hu sech d’Tessie an d’Anne méi genau domadder befaasst. An der Rubrik erkläert d’Kelly wat den Ënnerscheed tëscht trans a cis ass.

#5: Wat ass eng gutt Bezéiung?

Méi wéi Sex — Fri, 19 Oct 2018 14:56:15 +0000

Wat mécht eigentlech eng gutt Bezéiung aus? Doriwwer hu sech d’Kelly an d’Tessie ënnerhalen. Am zweeten Deel vun der Folleg geet et ëm de Film „A Star is born“, deen de Moment am Kino leeft.

#4: Orgasmus

Méi wéi Sex — Fri, 12 Oct 2018 13:19:11 +0000

An dëser Folleg erwaard iech en Dialog iwwer Orgasmus (en Thema iwwer dat et nach souvill méi ze soe gëtt!) an en „How To“ vum Kelly doriwwer, wéi ee während dem Sex matenee schwätze kann.

Fir méi Infoen zum Thema multipel Orgasmen bei Persoune mat engem Penis, kuckt iech dëse Video vun der Youtuberin a Sexualpädagogin Laci Green un. Och zum Thema Orgasmus bei Persoune mat enger Vagina huet d’Laci Green e ganz interessante Video gemaach.