/
D’Kelly huet sech mat eisem Gaascht dem Momo iwwer Erreegung an erogen Zonen ënnerhalen. An der Rubrik raumt d’Tessie mat zwee Viruerteeler ronderëm d’Kavanaugh-Affär op.
#3: Erreegung
#2: Ass dat Sex?!
/
Mir wëssen all wat Sex ass, oder? An der zweeter Folleg schwätzen d’Anne an d’Tessie driwwer. Duerno an der Rubrik “Ass dat normal?” geet et ënnert anerem em Fetisch a BDSM.
Sexmythos: Mécht méi Testosteron wierklech méi aggressiv?
/
Wann déi meescht Leit un Testosteron denke, verbannen se dëst mat Aggressivitéit. Deieren, déi een héijen Testosteronspigel hunn, si méi aggressiv. Mënschen, besonnesch Männer, déi vill Testosteron hunn, si méi aggressiv, hu méi Muskele, a kämpfe méi. Si si méi sportlech, méi verschweesst, a léisen ee Konflikt éischter mat physescher Gewalt.
Dëst ass awer guer net wouer.
#1: Menstruatioun
/
D’Anne an d’Tessie schwätzen iwwer hier Erfahrungen mam Thema Menstruatioun. Duerno eis Rubrik “Sexmythen” mam Kelly (ab 17:47).
Eng gutt Fro: Wat hu Psychedelika mat Hormoner ze dinn, a wéi een Impakt hunn se op den Zyklus?
/
Psychedelesch Erfarunge sinn vu Mënsch zu Mënsch ganz ënnerschiddlech. Mee och vun enger Kéier op déi aner kann ee ganz verschidde Saachen erliewen a fillen, an et ass net méiglech dëst am Viraus ze wëssen.
Mee wéi eng Roll spillt eisen Hormonspigel dobäi?
Den hormonellen Zyklus bei Persoune mat Eeërstäck huet een Impakt op d’Laun, d’Gehier an d’Wahrnehmung. Am Groussdeel vun der Recherche zu Psychedelika gëtt dësen awer guer net betruecht.
Östrogen a Progesteron hunn een direkten Impakt op d’Serotonin Rezeptore am Gehier. Östrogen, zum Beispill, mëscht dass déi verschidde Rezeptore méi verbonne sinn, a méi dicht sinn, also dass méi Rezeptore am Gehier aktiv sinn.
Klassesch Psychedelika aktivéieren d’Serotonin Rezeptore am Gehier. Dat heescht, dass se vill méi staark zu Momenter am Zyklus wierke wou méi Östrogen am Emlaaf ass. Well méi Östrogen, heescht méi Serotonin Rezektore, déi besser vernetzt sinn.