MÉI WÉI SEX

#127 – Pony, Vokuhila oder Brosse – Frisuren a wat se bedeiten

Méi wéi Sex – Staffel 6

#127 - Pony, Vokuhila oder Brosse - Frisuren a wat se bedeiten

00:00 / 49:47

Haut gëtt et mol erëm horeg. Kelly a Joël schwätzen awer net iwwer Intimbehorung, mä iwwer d’Frisuren, déi mir um Kapp droen. Déi soe jo meeschtens eppes iwwert déi Persoun aus, déi se dréit. Mä ginn et wierklech queer Frisuren? An wisou änneren esou vill Leit hir Frisur no engem Break-Up? Nieft deene Mysterien ginn de Joël a Kelly dann awer och der Fro no, wat Frisure mat Sex(appeal) ze dinn hunn.

An der Rubrik schwätzt Kelly iwwert Homologie.

Shownotes zu der Rubrik
Eng Grafik, déi Homologie ganz gutt wéisst.
Buch: Emily Nagoski „Come as you are“

#126: Méi wéi just heiansdo Sex – Demisexualitéit

Méi wéi Sex – Staffel 6

#126: Méi wéi just heiansdo Sex – Demisexualitéit

00:00 / 55:53

Demisexualitéit – e Begrëff, dee vill Leit schonn eng Kéier héieren hunn, mee ëm deen et vill Mësskonceptiounen gëtt. Kelly an d*e Robin probéieren an dëser Episod, d’Notioune vun Attraktioun a Sexualitéit opzeschlësselen, erklären den Ënnerscheed tëscht A- an Demisexualitéit an erzielen dovun, wéi ënnerschiddlech si hir Sexualitéit wouerhuelen. Niewebäi geet et och ëm Kuch, Gas a Bremsen, a si ginn eng Äntwert op d Fro “Demi – Heiansdo Sex, guer kee Sex, vill Sex?” (Spoiler: it depends!).

An der Rubrik gëtt den Elie Tips zu Aftercare.

Shownotes

Bicher
– „Ace: What Asexuality Reveals About Desire, Society, and the Meaning of Sex“ vum Angela Chen
– „(un)sichtbar gemacht – Perspektiven auf Aromantik und Asexualität“ Annika Baumgart & Katharina Kroschel
– „Come as you are“ vum Emily Nagoski
– “Ace Voices: What it Means to Be Asexual, Aromantic, Demi or Grey-Ace” Eris Young
– “Das asexuelle Spektrum: Eine Erkundungstour” Carmilla DeWinter

Méi vum Méi Wéi Sex Podcast:
– Formen von unzeihung Episod 57
– Asexualitéit Episod 69
– Aromantik Episod 107
– Net-penetrative Sex Episod 118
– Sex Drive Episod 122

Videos vum Hannah Witton (op Englesch):
– “Sexual Arousal, Desire and Attraction: What’s the Difference?” (Ënnerscheed tescht sexueller Erregung, Loscht an Unzeiung)
– “The Secret to Sexual Arousal” (Erreegung)
– “The Truth About Sexual Desire” (Loscht/Begehren)

Méi vun den Ace_Arovolution (vum Baumgart&Kroschel):
– Instagram
– Glossar

Formen vun Unzéiung z.B. dësen Video: Types of attraction

#125 Vun Zongen, Spaut an Puzzlestecker – éischt Kussen

Méi wéi Sex – Staffel 6

#125 Vun Zongen, Spaut an Puzzlestecker – éischt Kussen

00:00 / 58:16

An der éischter Episode vun Staffel 6 (yay!) geet et em: éischt Kussen! 😗😘😚😙

Joël, Kelly, Robin an Elie schwätzen iwwer weieng éischt Kussen si haten, wat e gudden éischte Kuss ausmëscht an wei vill Zong gewollt ass.
An der Rubrik erkläert Kelly, firwat een bei Erreegung net nëmmen muss op de Gas drécken, mee och vun der Bremse erofklammen.

#124: Outtakes!

Méi wéi Sex – Staffel 5

#124: Outtakes!

00:00 / 17:35

Äert Méi Wéi Sex Team versuergt Iech mat Outtakes aus deene leschte Joren! Mir wënschen Iech vill Spaass mat eise Verspriecher, eisem Gegackers, Gesangs a Geklapps!

An der Rubrik schwätzt den Elie iwwer Summer-Sex.

#123: Sandwichkanner, béis Stéifschwësteren an ee groussen Tabu – Geschwëster

Méi wéi Sex – Staffel 5

#123: Sandwichkanner, béis Stéifschwësteren an ee groussen Tabu – Geschwëster

00:00 / 46:40

Et ass net ëmmer einfach mat hinnen, mä vill vun eis kënnen sech ee Liewen ouni si guer net virstellen: Riets ass vu Geschwëster. De Joël huet der véier a Kelly ass Eenzelkand mat ville Stéifgeschwëster. Si schwätzen doriwwer, wéi dat esou ass, mat oder ouni Begleedung opzewuessen, wat een*t esou präägt a wéi dat eegent Iessverhalen dovunner beaflosst gëtt. Am Gespréich geet et och ëm d’Fro, ob et eng Berechtegung huet, seng Positioun ënnert de Geschwëster als Ersatz-Stärenzeechen ze benotzen a wat et mat deem groussen Tabu Geschwëster a Sex op sech huet. Eng Rubrik gëtt et net, dofir wënsche mir iech ee schéine Summer – bis an der nächster Staffel, bléift hydratéiert!