Endometrios ass eng zimmlech heefeg Krankheet. Ongeféier 190 Millioune Mënschen si vun hier betraff. An trotzdeem gouf se nach bei wäitem net genuch erfuerscht. Et gëtt fir Endometriose keng Präventiounsmoossnamen, keng Heelung a keng kloer Ursaach. D’Symptomer si villfälteg a jiddereen*t erlieft d’Krankheet anescht. Wourun dat läit a wéi den Gender Health Gap hei mat raspillt, dat erkläert d’Ella an dëser Rubrik.
Bass du eng straight Fra déi komplett frustréiert mat der Dating-Kultur vun haut ass? Da bass du net eleng. Ëmmer méi Frae verléieren d’Hoffnung an d’Gedold fir heterosexuell Bezéiungen opzebauen well dat schonn sou oft zu sou vill Péng, Enttäuschung oder souguer Gewalt gefouert huet. Déi Gefiller sinn esou verbreet, dass et souguer e Fachbegrëff fir se gëtt: Heterofatalismus. Wat genau et domat op sech huet, erkläert d’Ella an dëser Rubrik.
De Plan d’action national pour la promotion des droits des personnes LGBTIQ+ ass en Dokument an dem d’Regierung hier Strategie presentéiert fir sech fir d’Gläichberechtegung vu queere Mënschen op nationalem an internationalem Niveau anzesetzen. E gouf 2025 vum Ministère de l’Égalité des genres et de la Diversité (MEGA) verëffentlecht a setzt vill Gewiicht op Sensibiliséierung a Formatioun. A ville Beräicher geet et allerdéngs net wäit genuch. Besonnesch wann et em juristesche Fortschrëtt a konkret Verbesserunge vum alldeegleche Liewe vu queere Persoune geet. Méi genau Erklärungen dozou kritt dir an dëser Rubrik vum Ella.
Eng gutt Fro: Wat ass eng Bakteriell Vaginose a wéi kann een*t géint se virgoen?
/
Share
Link
Embed
Bakterielle Vaginose (BV) an änlech Infektioune wéi Vaginalpilz gi vun engem Ongläichgewiicht an der Vaginalflora ausgeléist. Se kënne ganz ongemittlech sinn, sech awer och kaum bemierkbar maachen. Wann eent ëmmer rëm u BVe leit, kann et hëllefen seng Sexualpartnerinnen, onofhängeg vu wéi enge Genitalien si hunn, matzebehandelen. Méi Infos zum Thema fann dir an dëser Rubrik.
Aktualitéit: Schwangerschaftsofbroch zu Lëtzebuerg
/
Share
Link
Embed
No enger rezenter Victoire am Kampf fir d’kierperlech Selbstbestëmmung vu gebärfähege Persounen, musse mir elo genau esou weider maachen. 2024 huet d’Partei déi Lénk eng Gesetzespropose gestart fir d’ Recht op Schwangerschaftsofbroch a Verhütung an eis Verfaassung eranzeschreiwen. Wärend an der Chamber iwwer des Initiativ negociéiert gëtt, bleift et wichteg eis Ënnerstëtzung ze weisen an Drock ze maachen. Em wat genau et geet, a wéi Dir hëllefe kënnt, dat erkläert d’Ella an der Rubrik vun dëser Woch.
D’Petitioun vun déi Lénk kënnt dir hei ënnerschreiwen
