#114: Méi wéi Gebärmutterhalskriibs – HPV Témoignage
/
Share
Link
Embed
HPV – huet dat net eppes mat Gebärmutterhalskriibs ze dinn a geet dofir nëmme Mënsche mat Uterus eppes un? D’Äntwert ass ganz kloer nee! De Human Papilloma Virus ass e sexuell iwwerdrobare Virus, deen, onofhängeg vum Geschlecht, immens wäit verbreet ass. Dobäi si sech wéineg Leit bewosst, wéi eng Risiken eng HPV Infektioun mat sech bréngt, wéi e sech iwwerdréit a wéi een*t sech schütze kann. An dëser Episod schwätzt d*e Robin mamm Kim aus eiser Community: hat huet eng HPV Infektioun hannert sech, an erzielt eis vu sengen Erfarungen.
An der Rubrik erkläert den Elie, wat amfong en Urolog ass.
#113: Costum, Minijupe oder Hoodie? – sexy Kleedung
/
Share
Link
Embed
Bal jiddereen*t huet sexy Kleedung am Schaf – wann een déi awer matenee vergläicht, fënnt een*t net onbedéngt ganz vill Gemeinsamkeeten. D Meenungen doriwwer, wat sexy Kleedung (oder wat amfong sexy) ass, sinn sou divers wéi d Leit déi sech dës Fro stellen! De Joël an d*e Robin diskutéieren haut ebe grad dës Differenzen, mee och wee sech iwwerhaapt sexy präsentéieren däerf a wéi staark deen eegene Bléck op sech selwer vum Bléck vun aneren ofwäiche kann.
An der Rubrik erkläert Kelly wéi een*t am beschten seng Broscht oftaascht a wourop een*t oppasse sollt.
#112 Kontaktpausen, Parkgespréicher an de leschte Sex – Wei kann een*t sech trennen?
/
Share
Link
Embed
Schlussmaache per SMS? Oder léiwer ee laangt Gespréich an nach eng leschte Kéier Sex mateneen hunn? Wéi sech eng Koppel trennt, hänkt ganz vun den Ëmstänn of. Et ginn awer genuch Grënn, sech Gedanken driwwer ze maachen, wéi dee schwierege Moment gestalt sollt ginn. Nodeems Kelly an de Joël schonn driwwer geschwat hunn, wéini een*t sech trenne sollt, geet et dës Kéier doriwwer, wéi dat geet. Si schwätzen doriwwer, wéi een*t eng gutt Plaz dofir fënnt, wat an engem Trennungsgespréich alles sollt gesot ginn an ob eng Kontaktpaus no der Trennung sënnvoll ass.
An der Rubrik gëtt den Elie Tipps, wéi een*t een gudden Ally fir trans Persounen ka sinn.
#111: Méi wéi just eng Zuel – Altersënnerscheeder a Bezéiungen
/
Share
Link
Embed
Wat huet de Leonardo Di Caprio mat Équatiounen ze dinn? De Joël, d’Lynn an d*e Robin diskutéieren an dëser Episod iwwer hir Erfarungen mat Age Gaps. Wat hunn Age Gaps mat Queerness ze dinn, wat sinn d Risiken vun Age Gaps a wéi kann een*t mat dëse Risiken ëmgoen a sech selwer an aner Leit schützen?
An dëser Folge beschwätzen de Joël an Kelly wéini een sech trennen sollt, wéini een net Schlussmachen sollt – an alles do datescht. Et geet em Kodépendenz, Zukunftsvirstellungen, Sech-net-méi-richen-kennen, Bindungsmusteren an nach vill méi.
Liesetipps – “Polysecure” vum Jessica Fern (Sëcher Bezéiungen zu Aaneren an zu sech Selwer opbauen) – “Attached” (Bindungstheorie, Bindungtypen, Bindungsmusteren) – “In the dream house” vum Carmen Maria Machado (Roman iwwert eng absuiv Bezéiung)
