Déi zweet Staffel vu “Méi wéi Sex” start Ufank Oktober 2019!
Dofir si mir op der Sich no weideren oppenen an engagéierte Leit fir eis Equipe. Du wëlls mat dru schaffen, dass d’Schwätzen iwwer Kierper, Sex a Bezéiungen endlech Normalitéit gëtt? Du häss Loscht bei enger Podcast-Produktioun dobäizesinn?
Dann mell dech bis den 7. Juli mat engem Mail un sex[at]ara.lu
Mir sichen:
– eng Persoun déi Deel vum Produktiounsteam gëtt a sech mat ëm d’Organisatioun, d’Moderatioun an d’Distributioun vun den Episoden këmmert (bezuelten Aarbecht ca. 1 Dag/Woch).
– vill Persounen déi als Gäscht an de Gespréichsronne dobäi si wëllen fir zesummen iwwer alles ze schwätzen. Mir sichen explizit net just Expert*innen mee Leit, deenen et wéi eis wichteg ass dass driwwer geschwat gëtt.
“Méi wéi Sex – De Podcast fir all Mënsch mat engem Kierper” ass ee Projet vum CESAS, dem Referenzzentrum fir affektiv a sexuell Gesondheet an Zesummenaarbecht mam Radio ARA.
#038 Frëndschaft “Mann/Fra”?
Méi wéi Sex – Staffel 1
Kënne Männer a Fraen enk Frëndschafte mateneen hunn, ouni dass et komplizéiert gëtt? D’Kelly an d’Tessie schwätzen iwwer hier Erfahrungen. An der Rubrik dréit sech alles ëm Squirten.
#037 Dating
Méi wéi Sex – Staffel 1
Wat ass d’Definitioun vun engem Date? A wéi ënnerscheed sech monogamt vun net-monogamen Daten? Äntwerten op dës Froen ze fannen, ass net sou einfach wéi ee menge kéint…
#036 Dirty Sex
Méi wéi Sex – Staffel 1
Wa Leit vu sech behaapten, knaschtege Sex ze hunn, wat menge se domat? Séieren, onperséinlechen Sex? Ongewéinlech Stellungen? Rollespiller? Dirty Talk? Wat ass den Ennerscheed zu sougenanntem “Blümchensex”? D’Kelly an d’Tessie hu probéiert et rauszefannen.
#035 Self-Care
Méi wéi Sex – Staffel 1
Fir säin Alldag kierperlech a psychesch gutt ze iwwerstoen, ass et wichteg, Self-Care ze maachen. Mä wat ass dat iwwerhaapt a muss een dofir ëmmer Suen ausginn? D’Kelly an d’Tessie hunn iwwer hier Erfahrunge geschwat. An der uschléissender Rubrik dréit sech alles ëm déi éischte Kéier.
