De Podcast fir all Mënsch mat engem Kierper
An dëser Folleg erwaard iech en Dialog iwwer Orgasmus (en Thema iwwer dat et nach souvill méi ze soe gëtt!) an en „How To“ vum Kelly doriwwer, wéi ee während dem Sex matenee schwätze kann.
Fir méi Infoen zum Thema multipel Orgasmen bei Persoune mat engem Penis, kuckt iech dëse Video vun der Youtuberin a Sexualpädagogin Laci Green un. Och zum Thema Orgasmus bei Persoune mat enger Vagina huet d’Laci Green e ganz interessante Video gemaach.
D’Kelly huet sech mat eisem Gaascht dem Momo iwwer Erreegung an erogen Zonen ënnerhalen. An der Rubrik raumt d’Tessie mat zwee Viruerteeler ronderëm d’Kavanaugh-Affär op.
Mir wëssen all wat Sex ass, oder? An der zweeter Folleg schwätzen d’Anne an d’Tessie driwwer. Duerno an der Rubrik “Ass dat normal?” geet et ënnert anerem em Fetisch a BDSM.
D’Anne an d’Tessie schwätzen iwwer hier Erfahrungen mam Thema Menstruatioun. Duerno eis Rubrik “Sexmythen” mam Kelly (ab 17:47).
Leider ginn ëmmer erëm Koppelen an Therapie, wann et schonn ze spéit ass. Wat ee méi laang waart, wat de Gruef méi grouss gëtt, a wat et méi schwéier ass iwwer Verletzunge wech ze kommen a Saachen ze reparéieren.
Vill besser ass et méi fréi professionell Hëllef opzesichen.
