#80 Outtaspace Loverboy – Den Edsun am Gespréich

#80 Outtaspace Loverboy – Den Edsun am Gespréich
Méi wéi Sex — Staffel 3

 
 
00:00 / 54:37
 
1X
 

Hien ass net nëmmen en danzende Sänger a e sangenden Dänzer. Den Edsun ass e kreative Mënsch, deen seng Gedanken op eng spannend Aart a Weis a senger ganz eegener Konscht ëmsetzt a sengem Public doduerch vill Kraaft weidervermëttelt. Mir hu mat him iwwer Kultur am Zesummenhang mat sexuellen Identitéiten, Empowerment a Kritikfäegkeet geschwat. An der Rubrik geet den Elie op sexuell Fantasien an.

#78 Zesumme wuesse – Laangzäitbezéiungen zanter dem Lycée

#78 Zesumme wuesse – Laangzäitbezéiungen zanter dem Lycée
Méi wéi Sex

 
 
00:00 / 48:11
 
1X
 

Et gi Bezéiungen, déi hale just eng Vakanz oder een Summer – an anerer schonn zanter dem Lycée. Wéi ass d’Liewen als Koppel, wann een*t scho sou laang zesummen ass? D’Liz an d’Geraldine zielen dem Joël, wéi si an hiren jeeweilege Bezéiungen geléiert hunn, mat Konflikter ëmzegoen an wéi (on)komplizéiert d’Relatioun zur Famill vun dem*der Partner*in si kann. Nieft der Fro, ob een iergendwann just nach eng Persoun ass, schwätze mir natierlech och doriwwer, wéi sech d’Sexliewen verännert – a wéi et opreegend bléiwe kann. An an der Rubrik schwätzt Kelly iwwer „How to: Safe(r) Sexting”.

„#78 Zesumme wuesse – Laangzäitbezéiungen zanter dem Lycée“ weiterlesen

#77 Krampf, Kampf, Kloertext – Weiblechkeet(en)

#77 Krampf, Kampf, Kloertext – Weiblechkeet(en)
Méi wéi Sex

 
 
00:00 / 1:05:28
 
1X
 

Wat heescht „Weiblechkeet“? An wien bestëmmt dat? D’Anne an d’Kelly schwätzen iwwer (eegen) Virbiller, widderspréchlech Weiblechkeetsufuerderungen, sexuell Unzéiung an iwwer Homarden. Jo, richteg, déi kleng rout Déieren mat der haarder Schuel. Wat et domat op sech huet, lauschtert der hei. An der Rubrik schwätzt den Elie iwwert déi sougenannten „relationship anarchy“.

Hei an hei fannt dir d’Gender Unicorns an d’Gender Schwéngecher vun deenen d’Kelly an der Folleg schwätzt.

#76 Trauer – Jiddereen:t dierf säin eegene Wee goen

#76 Trauer – Jiddereen:t dierf säin eegene Wee goen
Méi wéi Sex — Staffel 3

 
 
00:00 / 1:06:52
 
1X
 

Onofhängeg dovun, ob elo e Familljemember, en Hausdéier oder en:g Koleeg:in stierft: De Verloscht kann sou wéi doen, dass engem d’Wierder feelen an een:t net weess, wéi een:t dat packe soll. Dat Gefill ass fierchterlech, mä normal. An der Folleg Nr.76 schwätzen den Elie an d’Anne iwwer verschidde Formen a Phase vun der Trauer, ginn op Traditiounen an a plädéieren dofir, dass jiddereen:t säin eegene Wee dierf goen. An der Rubrik schwätzt Kelly iwwer eng ganz bestëmmte Form vu sexualiséierter Gewalt, nämlech: Stealthing.